1 Corinthians 12:10 - Sa Ugud Apudyus

¹⁰ Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

1 Corinthians 12:10 ပူးပေါင်းရင်းမြစ်များ

Mark 16:17

Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

Mark 16:20

Pun ummoy da disipuluna iwwaḻagawag Ambaḻu we Damag atta losane ili woḵ binadangan Apu dida. Pune sadi, pinanoḵnoḵana ḵinatuttuwaan ni tuttududa'tta nakaskasdaawe sinyale impaḵwana ḵan dida.

Luke 24:49

Ḵad saḵone mismu angibuun si inkarin Amaḵ ḵan diḵayu. Yaḵon ḵasapuḻane uwayonyu sina'd Jerusalem inggana'ḵ awatonyu ḵabooḻane maḻpu'd langit.”

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 11:27

Sa sadi ye timpu, nan-osog da udume profetan Apudyus ad Antioch we naḻpu'd Jerusalem.

Acts 11:28

Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius.

Acts 19:6

Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus.

Acts 5:3

Yaḵon ḵanan Peter, “Ananias, ngaipam iyunude aḵ Satan anḵewaaḻ atte somsomoḵnu ya nantultulliḵa si Ispiritu Santu atte nangitaḻuwam si udume bayad ni lutayu?

Romans 12:6

Da ḵabooḻane innatod Apudyus nansabasabali ye mibatay si ḵinabaḻu we innatodna ḵan ditaḵu. Pun da naittan aḵ ḵabooḻane angibaga'tta paibagan Apudyus usaronda oḵyane mibatay si pammatida.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

1 Corinthians 11:4

Nu magimung ḵayu ya awad laḻaḵi'ḵ inabbungana uḻunae alluwaḻu baḵon nu angipaigammu'tte Ugud Apudyus, imbabbainna'ḵ Kristu we Apuna.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

1 Corinthians 14:13

Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat.

1 Corinthians 14:39

Pun susunudḵu ḵan Kristu, ipapatiyu oḵyan ḵabooḻane angipaigammu'tta pinion Apudyus, ḵad adiyu bos iyadi da an-ugud atte sabali ye ugude adidapun inadaḻ.

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

1 Thessalonians 5:20

ya adiyu bos amsewon da Ugud Apudyus we imbagan da profetana.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.