1 Corinthians 11:25 - Sa Ugud Apudyus

²⁵ Nagangputda ḵade nangan, innaḻana bos sintasae bayase grape woḵ ḵanana, “Sa annae natasae bayas, siya Baru we Tuḻag Apudyus atta taguna. Ḵad sa daḻaḵ, siya amanoḵnoḵ atte sadi ye tuḻag. Ḵad nu inumonyu, pasigyu ḵoon ḵaḵna ta angiḵagasmoḵanyu ḵan saḵon.”

1 Corinthians 11:25 ပူးပေါင်းရင်းမြစ်များ

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

1 Corinthians 11:24

woḵ nanggappiya ḵan Apudyus. Binisbisaḵna woḵ ḵanana, “Annaya long-agḵu we midatun para ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.