1 Corinthians 11:22 - Sa Ugud Apudyus

²² Ngaipayu ḵoon ḵaḵnat? Ippun ḵamman boḻoyyu'ḵ angananyu ḵan uminumanyu? Amsewonyu ḵamman da magimugimunge namati ḵan Apudyus ya ibabbainyu da ippun mabalinda? Ngai namnamaonyu we ibagaḵ ḵan diḵayu mipanggob si anna? Idayawḵu diḵayu? Naid, adipun maḵwa!

1 Corinthians 11:22 ပူးပေါင်းရင်းမြစ်များ

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

1 Corinthians 11:17

Nu mipanggob atta ibilinḵu ḵan diḵayu, adiḵpun dayawon diḵayu te sa magimugimunganyu, daḵampun aḵ ambanag si bumaḻuwanyu yaḵon sa lumawenganyu.

1 Corinthians 11:2

Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.

1 Timothy 3:5

Te nu adinapun igammu we angidaḻan atte baḻyanna, ngai inonae angayyuwan atta namati ye magimugimung ḵan Apudyus?