1 Corinthians 11:20 - Sa Ugud Apudyus

²⁰ Sa magimunganyu we angan atte angiḵagasmoḵanyu si natoyan Apu Jesu Kristu, daḵampun ḵan siya sosomḵonyu,

1 Corinthians 11:20 ပူးပေါင်းရင်းမြစ်များ

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

1 Corinthians 11:17

Nu mipanggob atta ibilinḵu ḵan diḵayu, adiḵpun dayawon diḵayu te sa magimugimunganyu, daḵampun aḵ ambanag si bumaḻuwanyu yaḵon sa lumawenganyu.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

1 Corinthians 11:21

te sa angananyu, adiḵayupun an-asiuway, awad da udume unaonda ḵanon da dinaanda. Ḵad mauḻat da udum ya naabus nabartek da udum.

Hebrews 10:25

Adi taḵu oḵyan iwaḻange magimugimung atta buḻun taḵu we namati ye isun ni ḵoḵoḵḵon da udum yaḵon sa ḵoon taḵu amo an-asisoḻgag taḵu, dallu gay sinsadi ye madam-an mipauliyan Apu Jesus.

2 Peter 2:13

Ampaḵaḻamda gapu'tta ḵoḵoḵḵonda. Ibelangdae gangganas angwaanda'tta losane ḵababbain, ḵaissawe amaamayon ni long-agda taḵon ay aḻgaw. Mipanida si mansae angaissaw si silup ya allaylayaddae angallelaw ḵan diḵayu si midog-anda ḵan diḵayu we angan. Ḵad pagapagatupandae anggangganas atta matuḻ-ayane gangganase maḵaallelaw.

Jude 1:12

Sa midog-anda ḵan diḵayu nu angan ḵayu ḵan ankumulgar ḵayu dumimoḵda. Ippun paat bainda, lawotda ḵan bartekeroda te sa long-agdae abus sosomḵonda. Mipanida'tta libuu we mibibbibbide ippun udanda. Isuda bos ḵayu we adipun amunga si ustu we amungaana baḵon nu sa ḵayu we naḻangu ya nabagut.