1 Corinthians 11:17 - Sa Ugud Apudyus

¹⁷ Nu mipanggob atta ibilinḵu ḵan diḵayu, adiḵpun dayawon diḵayu te sa magimugimunganyu, daḵampun aḵ ambanag si bumaḻuwanyu yaḵon sa lumawenganyu.

1 Corinthians 11:17 ပူးပေါင်းရင်းမြစ်များ

Romans 13:3

Ippun maḵimtan da angwa'ḵ ambaḻu'tta pangat yaḵon abus da angwa'ḵ lawweng aḵ maḵimut ḵan dida. Pun nu pionyu we adi maḵimut atta pangat, siya ḵoonyu ustu we sa angidayawanda ḵan diḵayu.

1 Corinthians 11:2

Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu.

1 Corinthians 11:20

Sa magimunganyu we angan atte angiḵagasmoḵanyu si natoyan Apu Jesu Kristu, daḵampun ḵan siya sosomḵonyu,

1 Corinthians 11:22

Ngaipayu ḵoon ḵaḵnat? Ippun ḵamman boḻoyyu'ḵ angananyu ḵan uminumanyu? Amsewonyu ḵamman da magimugimunge namati ḵan Apudyus ya ibabbainyu da ippun mabalinda? Ngai namnamaonyu we ibagaḵ ḵan diḵayu mipanggob si anna? Idayawḵu diḵayu? Naid, adipun maḵwa!

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 14:23

Pun nu losan da namati ye magimugimung an-ugud atte ugude nansabasabali ye adipun maawatan ya awad adipun namati'ḵ nidoga, adidapun ḵamman ḵanane anḵatingang ḵayu?

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

Hebrews 10:25

Adi taḵu oḵyan iwaḻange magimugimung atta buḻun taḵu we namati ye isun ni ḵoḵoḵḵon da udum yaḵon sa ḵoon taḵu amo an-asisoḻgag taḵu, dallu gay sinsadi ye madam-an mipauliyan Apu Jesus.

1 Peter 2:14

baḵon nu da gobernor we imbuun ni ari ta umoyda dusaon da angwa'ḵ lawweng ya idayawda da angwa'ḵ ambaḻu.