1 Corinthians 11:16 - Sa Ugud Apudyus

¹⁶ Yaḵon nu awad sumullagi si annae imbagaḵ, ibagaḵ ḵan diḵayu we ippun ugali taḵu'ḵ ḵaḵnat, taḵon ay da gimung da namati ḵan Apudyus.

1 Corinthians 11:16 ပူးပေါင်းရင်းမြစ်များ

Acts 21:21

Imbagada mipanggob ḵan siḵae intuttudum atta losane Judyu we naḵaumili'tta Gentil we iwaḻangda da lintog Moses ya adida pasogyat da abengda ya adida unudon ugali taḵu we Judyu.

Acts 21:24

Mibuḻunḵa ḵan dida si templo ta ampailaḵa si padi ḵad maḵaḵwaḵa ḵan dida si angwaanda'tte ugali ye ampapoḻḵasan. Nu magangput, bayadam da isidada ta maḵwae puluḵan ni padi dida ta angipailae naabus inkarida. Ta igammuwon da tagu we ippun ḵatuttuwaan ni dingngoḻda'tte mipanggob ḵan siḵa yaḵon sissiyae tuttuwaom lintog Moses.

1 Corinthians 11:15

Yaḵon nu andu buuḵ ni bubai, siya dayawna te innatod Apudyus buuḵna ta ambalin aḵ isun di abbungna.

1 Corinthians 16:1

Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

1 Corinthians 7:17

Sa osae namati, pagatupana oḵyan ḵasasaadna si namatiyana te sanat innatod Apu ḵan siya'tte timpu we namiliyan Apudyus ḵan siyae amati ḵan Jesus. Sana da imbilinḵu'tta losane gimung da namati.

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

1 Corinthians 9:6

Diḵani ḵamman ḵan Barnabas abus aḵ ḵasapuḻane anḵewaaḻe ippun ḵaḻabbonganni ye maittan aḵ iḵataguni?

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.