1 Corinthians 10:6 - Sa Ugud Apudyus

⁶ Ḵad losan atta sanae naḵwa, an-adaḻan taḵu oḵyan ta adi taḵu maawis atta isun da danaḵḵoḻ taḵu'tte awe.

1 Corinthians 10:6 ပူးပေါင်းရင်းမြစ်များ

Romans 5:14

Yaḵon inggan ni timpun Adam inggana'tte timpun Moses, losane tagu matoy, taḵon ay nu daḵampun aḵ isun ni basuḻ Adam da basuḻdae nilisalisna bilin Apudyus. Aḵ Adam siya isun ni asi umali ye siya'ḵ Jesus te sa nambanagan ni ḵingwan da duwa niyasaḵ atta losane tagu.

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

2 Peter 2:6

Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.