1 Corinthians 10:33 - Sa Ugud Apudyus

³³ Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

1 Corinthians 10:33 ပူးပေါင်းရင်းမြစ်များ

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 12:5

Isuna bos ditaḵu we namati, taḵon ay nu adu taḵu, mipani taḵu si ossaane long-ag Kristu ḵad nan-os-ossaan taḵu.

1 Corinthians 10:24

Daḵampun oḵyan aḵ abus bumaḻuwan taḵu'ḵ somsomḵon taḵu yaḵon sa bumaḻuwan os da udum.

1 Corinthians 13:5

adipun angwa'tta ḵababbain baḵon nu ipasulinna piona. Ḵad adipun os allasu sumang-ana ya adinapun os sosomḵon lawwenge ḵingwan da udum ḵan siya.

2 Corinthians 12:14

Naḵasaganaaḵe umali ḵan diḵayu ḵad sana piḵluḵe umali. Ḵad nu umaliyaḵ daḵampun aḵ siya singtoḵ badangyu te daḵampun atta ittonyu gamgamaḵ yaḵon diḵayu we mismu pioḵ. Te saḵon isun di amayu si namatiyanyu ḵad daḵampun atta abeng maḻpuwan ni ḵasapuḻan da ama ḵan ina. Yaḵon da ama ḵan ina maḻpuwan ni ḵasapuḻan da abeng.

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Philippians 2:21

Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.