1 Corinthians 10:27 - Sa Ugud Apudyus

²⁷ Nu ayagan diḵayu'tta daḵampun aḵ namati'ḵ maḵaḵan, inḵayu nu pionyu. Ḵad losane ilusnuda, ḵanonyu we adiyu im-imuson gapu'tta somsomoḵyu.

1 Corinthians 10:27 ပူးပေါင်းရင်းမြစ်များ

Luke 15:23

Ḵad inḵayu aḻan antabae baḵa ta ansida taḵu ḵan anggangganas taḵu.

Luke 19:7

Yaḵon da losane nangila ḵanandae singngongonot, “Ngaipa umoy pamangili si boḻoy ni andi ye ḵabasbassuḻan?”

1 Corinthians 10:25

Pun maḵwa ḵanonyu da losane sidae mangin-an si market ya adiyu im-imuson gapu'tta somsomoḵyu.

2 Corinthians 1:13

Da insuḻatni ḵan diḵayu, naippun nitaḻu'ḵ panggobna nu adi sa maawatanyu nu basaonyu. Yaḵon taḵon ay nu daanyupun maawatane ustu diḵani, namnamaoḵe dumatong aḻgawe maawatanyu we ustuustu ya maḵwa isḵaḻyu diḵani ye isun ni angiyisḵaḻanni ḵan diḵayu si mipauliyan Apu Jesus.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.