1 Corinthians 10:23 - Sa Ugud Apudyus

²³ Awad da ḵanandae angibaga, “Nawayaaḵe angwa'tta ngaimane pioḵ ḵoon.” Tuttuwae nawayaan taḵu yaḵon daḵampun aḵ ambanag da losane ḵoon taḵu'tte bumaḻuwan taḵu ya daḵampun os aḵ ampapigsa'tta pammatin da buḻun taḵu.

1 Corinthians 10:23 ပူးပေါင်းရင်းမြစ်များ

Romans 14:15

Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

1 Corinthians 14:12

Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.

1 Corinthians 14:17

Te taḵon ay nu ambaḻu da ibagayu we anggappiya ḵan Apudyus yaḵon nu adipun maawatan, adipun bumadang atta udume tagu.

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

1 Corinthians 6:12

Awad da udum ḵan diḵayu we nangibaga ḵanane ḵaḻabbonganni ye angwa'tta losane banag. Yaḵon daḵampun aḵ bumaḻuwan taḵu da losane banage ḵoon taḵu. Siya ḵanaḵe maḵwa ḵooḵ da losane banag yaḵon adiḵpun iyunude ammusassuwonaḵ atta sanae banag.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

1 Corinthians 8:9

Yaḵon ḵasapuḻane umman taḵu wayawaya taḵu ta daḵampun oḵyan aḵ siya maḵabasuḻan ni buḻun taḵu we anḵuya somsomoḵna.

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Timothy 1:4

Ḵad ibagam ḵan dida ta adida dodongngon da ug-uggud da iyawe ya sa anduandu we listaan da ganaḵda. Te sana gapun ni ansosongbatan da tagu. Daḵampun aḵ bumadang si mituttuwaan ni planun Apudyus we ipaigammuna mipagapu si pammati.