1 Corinthians 10:17 - Sa Ugud Apudyus

¹⁷ Ḵad gapu'tte ossaane tinapaye ḵanon taḵu, isu taḵun ossaane long-ag taḵon ay nu adu taḵu.

1 Corinthians 10:17 ပူးပေါင်းရင်းမြစ်များ

Romans 12:5

Isuna bos ditaḵu we namati, taḵon ay nu adu taḵu, mipani taḵu si ossaane long-ag Kristu ḵad nan-os-ossaan taḵu.

1 Corinthians 10:21

Adipun maḵwae maḵainum ḵayu ḵan maḵaḵan ḵayu si angiḵagasmoḵanyu'tte natoyan Apu ya maḵainum ḵayu bos ḵan maḵaḵan ḵayu'tta midatun atta aḻan.

1 Corinthians 12:12

Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya.

1 Corinthians 12:27

Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Ephesians 4:16

Ḵad gapu ta siya mipani ye uḻu taḵu, siya bos asi ḵigade angiyuḻnus ḵan ditaḵu we namati ye isun di ḵamangay ni sanae long-agna ta mibagaydae ustu. Pun nu ḵoon ni sin-ossaossae ḵamangay ni sanae long-ag naatode ḵewaaḻna, pumigsapigsa ya dumaḵodaḵoḻ sanae long-ag mipagapu si ayat.

Ephesians 4:25

Pun adi ḵayu ogon antultulli, abus ḵatuttuwaan aḵ ibagayu'tta buḻunyu te nidoga taḵu losan atte long-ag Kristu.

Ephesians 4:4

Losan taḵu we niyossaan ḵan Kristu, isu taḵun os-ossaane long-ag ya ossaane Ispiritu. Os-ossaan os namnama taḵu gapu si namiliyan Apudyus ḵan ditaḵu.

Colossians 2:19

Pun nisinada ḵan Kristu we isun di siya uḻu taḵu we namati. Ditaḵu ḵad, niyossaan taḵu ḵan siya te ditaḵu isun di long-agna. Pun sa uḻu asi ḵigad atte losane ḵamangay ni long-ag ta awaton ni sin-ossaossa da ḵasapuḻana ya miyustu-ustu uḻnus da losan. Pun siya dumaḵoḻan taḵu gapu'tte pigsae itton Apudyus ḵan ditaḵu.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.