1 Corinthians 10:13 - Sa Ugud Apudyus

¹³ Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

1 Corinthians 10:13 ပူးပေါင်းရင်းမြစ်များ

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Luke 11:4

Ḵad pakawanom da basuḻni te pinakawanni bos da naḵabasuḻ ḵan diḵani. Ḵad adim iyunude masulisug ḵani.’ ”

Luke 16:26

Daḵampun aḵ abus ay sadi te annat digdig atte nambootan taḵu ta da maḻyade umoy sinate maḻpu sina, adipun maḵwa ya da maḻpu sinat, adipun os maḵwae umalida sina.’

Luke 22:46

Pun ḵanana ḵan dida, “Ngaipa ḵayu masusuyop? Bumangon ḵayu ta alluwaḻu ḵayu ta adi ḵayu masulisug.”

Acts 27:44

ḵad umun-unud da udume ampataw atta tabla ḵan udume ḵayun ni bapur. Pun dummatong ḵani si taḻantage ippun naḵwa ḵan diḵani.

1 Corinthians 1:9

Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.

2 Corinthians 1:10

Ḵad tuttuwae siya nangiligsi ḵan diḵani'tte ḵaog-ogyate ḵatoy ḵad igammuni ye pagatupana iligsi diḵani. Siya bos namnamaonni ye angiligsi ḵan diḵani.

1 Thessalonians 5:24

Sa namili ḵan ditaḵu mataḻgodan, ḵad aaddi ye ḵoona da imbagana.

2 Thessalonians 3:3

Yaḵon ustu te aḵ Apu ḵad mataḻgodan, adinapun iwaḻange amapigsa ḵan anaḻaḵnib ḵan diḵayu'tte ḵoon Satan.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 11:11

Gapu si pammatin Sarah, inawatna ḵabooḻane naḵwae naganaḵ taḵon ay nu mummammad-an te imbelangnae mataḻgodan aḵ Apudyus we intuttuwana inkarina.

Hebrews 12:4

Te naippun pummoy-as daḻana ḵan diḵayu si nangipapattiyanyu ta adi ḵayu maḵabasuḻ.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

1 Peter 4:19

Pun diḵayu we ampaḵapaḵaḻam gapu si pinion Apudyus, ipapatiyu ḵoon da ambaḻu ya itaḻgodyu da ḵalidodwayu we ustu ḵan Apudyus we mataḻgodane nangwa.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

1 John 1:9

Yaḵon nu ibabagga taḵu da basuḻ taḵu, aḵ Apudyus mataḻgodan ḵan naun-unane amakawan atta basuḻ taḵu ya papoḻḵasona ditaḵu'tta losane ḵinalaweng taḵu.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.