1 Corinthians 10:11 - Sa Ugud Apudyus

¹¹ Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

1 Corinthians 10:11 ပူးပေါင်းရင်းမြစ်များ

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 13:40

Sa maḵwa si sabsabuge dinagup da sammilu ta masgob, ḵatti bos maḵwa si anungus ni timpu.

Romans 13:11

Ḵasapuḻane ḵoon taḵu losan da anna te igammu taḵu we ampatog timpu we mataguwan taḵu sinsadi. Ḵad sinsadi ye timpu bumangon taḵu we nasuyop te madam-an mataguwan taḵu'ḵ inggana nu sa damu we namatiyan taḵu.

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

Romans 15:4

Te ngaimane nigili ye Ugud Apudyus si awe, nigilida'ḵ matuttuduwan taḵu. Ta lamog taḵu attoman da ampaḵaḻaman ya masoḻgag somsomoḵ taḵu ya annamnama taḵu.

Romans 4:23

Yaḵon sa sadi ye nigili ye ugud ḵanana, “Imbelang Apudyus aḵ Abraham aḵ naun-unan,” daḵampun aḵ abuse para ḵan Abraham,

1 Corinthians 10:6

Ḵad losan atta sanae naḵwa, an-adaḻan taḵu oḵyan ta adi taḵu maawis atta isun da danaḵḵoḻ taḵu'tte awe.

1 Corinthians 7:29

Susunudḵu ḵan Kristu, sa pioḵ ibaga ḵan diḵayu daḵampun aḵ iinggaw taḵu sina'd lutae anserbi ḵan Apu Jesus. Pun inggana sinsana diḵayu we naasaw-ane laḻaḵi, ibelangyu we isun di ippun asawayu.

1 Corinthians 9:10

Daḵampun! Te ditaḵu we tagu we anserbi ḵan siya pionae ugudon. Ilanyu ḵad, taḵon ay da andaḻnoḵ ḵan an-ani, namnamaonda oḵyane awad de billayda'tte bungan ni ḵinewaaḻda.

Galatians 4:24

Sa annae naḵwa, naadaḻom piona ḵanan te da duwae bubai maḵwae mipanida'tta duwae tuḻage ḵingwan Apudyus atta tagu. Sa osae tuḻag siya lintoge innatodna ḵan Moses atte beleg Sinai ye awad ad Arabia. Sa nipani si annae tuḻag, aḵ Hagar te siya ya da abengna musassuda ḵad isuna bose da abeng ni tuḻag, musassuda bos, sa piona ḵanan, da angibatay si mataguwanda si angunudanda'tte lintog.

Philippians 4:5

Ipailayu ḵinaanusyu'tta losane tagu te madam-an umaliyan Apu.

Hebrews 10:25

Adi taḵu oḵyan iwaḻange magimugimung atta buḻun taḵu we namati ye isun ni ḵoḵoḵḵon da udum yaḵon sa ḵoon taḵu amo an-asisoḻgag taḵu, dallu gay sinsadi ye madam-an mipauliyan Apu Jesus.

Hebrews 10:37

Te ḵanan ni Ugud Apudyus, “Sin-aḵitane abus ya sa awade umali, dumatonge adipun mitantan.

1 John 2:18

Aabengḵu, madam-an anungus ni lubung! Dingngoḻyu we umunae umali sumullagi ḵan Kristu. Pun sinsana ḵad ummaduadu da sumullagi ḵan siya. Ḵad sanat angigammuwan taḵu we madam-an anungus ni lubung.