1 Corinthians 10:1 - Sa Ugud Apudyus

¹ Susunudḵu ḵan Kristu, pioḵe paiḵagasmoḵ ḵan diḵayu naḵwa'tta danaḵḵoḻ taḵu'tte awe atte nangipuyutan Moses ḵan dida si nanenanda'd Egypt. Sa sadi ye timpu, inalidungan Apudyus dida losan si libuu we nangipuyut ḵan dida woḵ nanaddaḻanda si Dilaage Baybay.

1 Corinthians 10:1 ပူးပေါင်းရင်းမြစ်များ

John 4:20

Da danaḵḵoḻni, sa annae beleg andayawanda ḵan Apudyus yaḵon diḵayu ḵade Judyu, ḵananyu we ad Jerusalem ḵasapuḻane andayawan da tagu ḵan Apudyus.”

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 11:21

Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup?

Romans 4:11

Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

1 Corinthians 12:1

Sinsadi susunudḵu ḵan Kristu, pioḵe ipaḵaawat ḵan diḵayu mipanggob atta ḵabooḻane itton ni Ispiritu Santu ḵan ditaḵu ta igammuwonyu oḵyan.

1 Corinthians 14:38

Yaḵon nu awad adipun amigbig atta anna, adiyu bos bigbigon.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Hebrews 11:29

Gapu'tte pammatin da iyIsrael, dinoḻmangda Dilaage Baybaye isudan nanaddaḻan atte ammamagae luta. Yaḵon pinadas ḵad da iyEgypt we dummoḻmang, naaminda naumbuḻ.