1 Corinthians 1:9 - Sa Ugud Apudyus

⁹ Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.

1 Corinthians 1:9 ပူးပေါင်းရင်းမြစ်များ

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

Romans 11:17

Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.

Romans 9:24

Taḵon ay ditaḵu we pinilinae daḵampun aḵ abus da naḻpu'tta Judyu yaḵon da naḻpu bos atta Gentil.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

2 Corinthians 1:18

Tuttuwa da ibagani ḵan diḵayu, isuna bos ḵan Apudyus we siya losane ibagana da ḵatuttuwaan.

Galatians 1:15

Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

2 Thessalonians 2:14

Pinilina diḵayu'ḵ matagu gapu'tte Ambaḻu we Damag we iwwaḻagawagni ḵan diḵayu ta midoga ḵayu'tte ḵinangatun Jesu Kristu we Apu taḵu.

2 Thessalonians 3:3

Yaḵon ustu te aḵ Apu ḵad mataḻgodan, adinapun iwaḻange amapigsa ḵan anaḻaḵnib ḵan diḵayu'tte ḵoon Satan.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

2 Timothy 2:13

Nu aditaḵupun mataḻgodan ḵan siya, sissiyae mataḻgodan ḵan ditaḵu te adipun maḵwae adina ituttuwa da imbagana.”

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 11:11

Gapu si pammatin Sarah, inawatna ḵabooḻane naḵwae naganaḵ taḵon ay nu mummammad-an te imbelangnae mataḻgodan aḵ Apudyus we intuttuwana inkarina.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 4:13

Igammu taḵu we tuttuwae iinggaw taḵu ḵan Apudyus ya iinggaw os aḵ Apudyus ḵan ditaḵu te innatodna Ispirituna ḵan ditaḵu.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.