1 Corinthians 1:27 - Sa Ugud Apudyus

²⁷ Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

1 Corinthians 1:27 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 21:16

Ḵananda ḵan Jesus, “Dingngoḻnu ḵamman iyip-ipḵaw da annae abeng?” Ḵanan Jesus, “On, dingngoḻḵu. Iḵagasmoḵyu oḵyan binasayu si nigili ye Ugud Apudyus we ḵanana, ‘Tuttuduwan Apudyus da abeng ya da uttinge gattoḵe andayaw ḵan siya.’ ”

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 7:35

“Aḵ Moses, indiyan da danaḵḵoḻ taḵu si nangibag-anda ḵanane, ‘Ngai nangibaga ḵan siḵae anna ḵaḻabbongame angipangat ya anguwis ḵan diḵani?’ Yaḵon imbuun Apudyus aḵ umoy angipangat ya amuḵay ḵan dida'tte nammusassuwanda gapu si badang ni anghel we nampaila ḵan siya si gumilagilabe ḵayu.

Acts 7:54

Dingngoḻ ḵad da papangat da Judyu da imbagan Stephen, ngumalitod da babada'tte ummamdane sangada.

1 Corinthians 1:20

Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 2:12

Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 4:7

Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?