1 Corinthians 1:26 - Sa Ugud Apudyus

²⁶ Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad.

1 Corinthians 1:26 ပူးပေါင်းရင်းမြစ်များ

Luke 1:3

Saḵon ḵad, ummaḵ pinanoḵnoḵan da sadi'tte nabayage timpu ya simsimmoḵḵu bose ambaḻu on-ontagoḵ igili da losan para ḵan siḵa madaydayawe Theophilus.

Luke 10:21

Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

Acts 13:12

Innilan ḵad ni gobernor sanae naḵwa, namati ḵan Apu Jesus te nataag atte intuttududa mipanggob ḵan Apu.

Acts 13:7

Aḵ Bar-Jesus buḻun Sergius Paulus we Gobernor ad Cyprus. Nalaing sanae gobernor woḵ impaayagna da Barnabas ḵan Saul te pionae dongngon Ugud Apudyus.

Acts 17:34

Yaḵon da udum ḵan dida nidogada ḵan siya woḵ namatida ḵan Jesus. Osa ḵan dida'ḵ Dionysius we osa'tta pangat si Areopagus ya aḵ Damaris we bubai ya da udum.

Romans 11:29

Te adipun maḵwae obson Apudyus somsomoḵna si mipanggob atta binindisyunana ya da pinilina.

1 Corinthians 1:20

Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 2:13

Pun sa angituttuduwanni daḵampun aḵ somsomoḵ baḵon nu ḵinalaing di tagu naḻpuwana yaḵon sa intuttudun ni Ispiritu Santu ḵan diḵani. Ḵad ipaḵaawatni da naispirituwane ḵatuttuwaan atta tagunae inggawan ni Ispirituna.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

Philippians 4:22

midoga da losane tagun Apudyus sina'd Rome amod ay da anḵewaaḻ si boḻoy ni Emperor ad Rome.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

2 John 1:1

Patpatgoḵe ina, Saḵon aḵ John we osa'tta angipangpangu'tta namati. Annaya suḻatḵu ḵan siḵae pinilin Apudyus ya da abengnu. Sipupusu annae ayatḵu ḵan diḵayu. Ḵad daḵampun aḵ saḵone abus angayat ḵan diḵayu yaḵon losan os atta angigammu si ḵatuttuwaan.