1 Corinthians 1:24 - Sa Ugud Apudyus

²⁴ Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna.

1 Corinthians 1:24 ပူးပေါင်းရင်းမြစ်များ

Luke 11:49

Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

Luke 7:35

Ilanyu ḵad, nipailae ustu laing Apudyus atta biyag da losane angunud atta ḵinalaing Apudyus.”

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 9:24

Taḵon ay ditaḵu we pinilinae daḵampun aḵ abus da naḻpu'tta Judyu yaḵon da naḻpu bos atta Gentil.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 1:9

Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.

Colossians 2:3

Siya nangigammuwan taḵu'tta losane nililimode laing ya sa somsomoḵ Apudyus.