1 Corinthians 1:21 - Sa Ugud Apudyus

²¹ Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 1:21 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Luke 10:21

Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 11:33

Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 1:24

Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna.

1 Corinthians 1:25

Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.

1 Corinthians 1:27

Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

1 Corinthians 6:2

Adiyupun ḵamman igammu we da tagun Apudyus anguwis atta tagu si annae lubung? Ḵad nu diḵayu anguwis atta tagu si annae lubung, adiyupun ḵamman os lamog ilintog da sin-aḵḵit ay lawae banag?

Galatians 1:15

Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya.

Galatians 4:8

Sa awe ye daanyupun angigammuwan ḵan Apudyus, isuyu musassu we anserserbi'tta sinan-apudyus.

Ephesians 1:9

Ḵad allaylayade nangipaigammu ḵan ditaḵu si pinionae adipun nipaigammu si awe ye asi mituttuwa ḵan Kristu.

Ephesians 3:10

Sadi panggob Apudyus we mipagapu ḵan ditaḵu we namati, igammuwon da losane adipun mailae ampangat ya anna ḵabooḻanda ḵinalaing Apudyus we nipaila si nansabasabali ye inon.

Colossians 1:19

Te pinion Apudyus we losane ḵinaapudyusna awad atte Abengna.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

James 5:15

Ḵad nu alluwaḻudae mipagapu si pammatida ḵan Apu Jesus, ḵumosdoḻ te ḵaanon Apu saḵitna. Ḵad nu naḵabasuḻ, mapakawan.

James 5:20

Sosomḵonyu we nu ipauliyu osae ḵabasbassuḻan, taguwonyu'tte ḵatoy ya mapakawan da adu we basuḻna.