1 Corinthians 1:20 - Sa Ugud Apudyus

²⁰ Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 1:20 ပူးပေါင်းရင်းမြစ်များ

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Romans 1:20

Te taḵon ay nu adipun maila ḵinaapudyusna ya sa ḵabooḻanae ippun anungusna, mamaḵ-ila'tta ḵingwana inggan ni nangwaana'tte lubung. Pun ippun lasun da tagu we adi amati.

Romans 1:22

Ḵanandae nalaingda yaḵon nambalinda'ḵ dong-og.

1 Corinthians 1:19

Te awad os nigili ye Ugud Apudyus we ḵanana, “Dadailoḵ ḵinalaing da nalaing ḵan naadaḻane tagu ḵad ipailaḵe ippun anun ni ḵinalaingda.”

1 Corinthians 1:26

Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad.

1 Corinthians 1:27

Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

1 Corinthians 1:28

Pinilin Apudyus da ibelang da tagu we nababa ya maam-amsew si annae lubung taḵon ay da banage ippun anuna ta dadailona da banage patpatgon da tagu.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 3:19

Te sa nainlubungane ḵinalaing, dinodong-og ḵan Apudyus. Te awad de nigili ye Ugud Apudyus we ḵanana, “Sa usaron Apudyus aḵ angngogana'tta aginlalainge tagu, sa mismu we ḵinasiḵapda.”

1 Corinthians 6:2

Adiyupun ḵamman igammu we da tagun Apudyus anguwis atta tagu si annae lubung? Ḵad nu diḵayu anguwis atta tagu si annae lubung, adiyupun ḵamman os lamog ilintog da sin-aḵḵit ay lawae banag?

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.