1 Corinthians 1:10 - Sa Ugud Apudyus

¹⁰ Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

1 Corinthians 1:10 ပူးပေါင်းရင်းမြစ်များ

Matthew 9:16

“Naippun tagu'ḵ ituḵupna baru we lupute adipun yan misaḵsaḵ si dadaane silup te nu mituḵup si dadaane luput ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Mark 2:21

Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Mark 3:24

Nu awad umili'ḵ ampapatoy, madadail ilida.

John 10:19

Imbagan ḵad ay Jesus anna, nanggogwa bos ḵasin da Judyu gapu'tte imbagana.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 7:43

Pune sadi, nanggogwa da tagu mipanggob ḵan siya.

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

Acts 4:32

Losan atta namati nan-os-ossaan ḵasomsomḵanda. Adidapun ibelange ḵuwada da ḵuḵuwada yaḵon siya ḵoonda nan-aḵ-atodda.

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 12:16

Ḵasapuḻane antitimpuyug ḵayu ya adi ḵayu ampasindayaw yaḵon maḵabuḻbuḻun ḵayu'tta ḵapus. Ḵad adiyu isḵaḻe igammuyu da losan.

Romans 15:30

Susunudḵu ḵan Kristu, anna ud ḵodawoḵ ḵan diḵayu, gapu ḵan Apu taḵu we Jesu Kristu ya gapu si ayate itton ni Ispiritu Santu, losan taḵu pumangoge alluwaḻu para ḵan saḵon ta bumadang aḵ Apudyus.

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

1 Corinthians 1:11

Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog.

1 Corinthians 11:18

Umunae gapuna, dingngoḻḵu we nu magimung ḵayu we andayaw ḵan Apudyus, andaddasig ḵayu. Ḵad isun ay di an-agagaḵ os amati ye tuttuwa.

1 Corinthians 12:25

ta adi an-asisullagi da ḵamangay ni long-ag nu adi an-asiayyuwanda.

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

1 Corinthians 4:16

Pun ḵodawoḵ ḵan diḵayu ta unudonyu oḵyan saḵon.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

2 Corinthians 13:9

Te allaylayad ḵani nu anḵuya ḵani ya anḵosdoḻ ḵayu. Ḵad sa iluwaḻuni ḵan Apudyus, bumaḻubaḻu oḵyan antataguyu ya pumigsa pammatiyu we ippun kurangna.

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 4:12

Susunudḵu ḵan Kristu, anusanyu ḵappos unudon saḵon te nambalinaḵ aḵ isuyu we Gentil we napuḵayan si lintog Moses. Ḵad ambaḻu nangwayu ḵan saḵon atte awe.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Philippians 3:16

Yaḵon taḵon ay nu ḵatti, ḵasapuḻane pagapagatupan taḵu tuttuwaon da impaigammun Apudyus ḵan ditaḵu.

1 Thessalonians 5:13

Ḵasapuḻane patganyu dida ḵad ipailayu ayatyu gapu'tte ḵewaaḻda ya awad oḵyan atte sin-ossaossa ḵan diḵayu lin-awa.

2 Thessalonians 2:1

Susunudḵu ḵan Kristu, ipaigammuni ḵan diḵayu mipanggob atte ḵasine umaliyan Apu taḵu we Jesu Kristu ya sa andaḵdaḵngan taḵu we angabot ḵan siya. Ḵodawonni susunude

1 Timothy 5:21

Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.