1 Corinthians 1:1 - Sa Ugud Apudyus

¹ Susunudḵu ḵan Kristu, saḵon aḵ Paul we napili'ḵ apostol Jesu Kristu we nibatay si pinion Apudyus ya sa buḻunḵu sina aḵ Sosthenes we sunud taḵu ḵan Kristu.

1 Corinthians 1:1 ပူးပေါင်းရင်းမြစ်များ

Luke 6:13

Nabigat ḵad, inayagana da disipuluna woḵ pinilina da nasawaḻan aḵ duwae nginadanana'ḵ apostol.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 20:21

Pun ḵanan os Jesus ḵasin ḵan dida, “Lin-awa awad ḵan diḵayu. Ibuunḵu diḵayu we isun ni nangibuunan Amaḵ ḵan saḵon.”

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

Acts 18:17

Pun dinoḵmaanda'ḵ Sosthenes we pangat ni sinagoga woḵ inap-aplitda si paway ni dadaḻḻuman yaḵon adimpun Gallio pulus biniyangan dida.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 1:10

Ḵad iluwaḻuḵ ḵan Apudyus we nu piona, awad wayaḵe umali ḵan diḵayu te nabayage ippun wayaḵ.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 11:5

Sa somsomoḵḵu daḵampun nin aḵ nababaaḵ nu da sanae ḵanandae ḵangatuwane apostolyu.

2 Corinthians 12:12

Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu.

2 Corinthians 8:5

Pun amo adu innatodda nu sa ninamnamani, ummunae indatunda da long-agda ḵan Apu woḵ asidaot anserbi ḵan diḵani mipagapu si pinion Apudyus.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Colossians 1:1

Saḵon aḵ Paul we apostol Jesu Kristu mipagapu si pinion Apudyus ya buḻunku'ḵ Timothy ye sunud taḵu ḵan Kristu.

1 Timothy 1:1

Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.