Sat Naipatigammu 21:12 - Kalinga Limos

^12-13 Amod taknang dit aḻad un nanliput sidiya boboḻoy ot simpuḻu’t duwa dan sooban na. Tuḻu dit sooban na utdin kapon dumungitan init, tuḻu utdin kapon daya, tuḻu utdin kapon lagud kan tuḻu utdin kapon sin maipsukan init. Kada sooban awad osa’n anghel un man-andog kan awad osa’n naikanglita ngadan dan simpuḻu’t duwa’n tribun dat ganak ud Israel.

Sat Naipatigammu 21:12 ပူးပေါင်းရင်းမြစ်များ

Mateo 18:10

Intultuluy Jesus un kanana’n, “Ilan yu ta adiyu idapdapes ulay osa’t datuwa aabeng. Ibagak kan dikayu un sadat aanghel un manga-ayyuwan kan dida kanayuna awad dat din sanguwan Apudyus un Amak sin langit.

Lucas 15:10

“Ibagak kan dikayu un padana pay un manlaglagsak dat anghel Apudyus nu mandadaoli nat osa’n gumabasuḻ.”

Lucas 16:22

“Sin-aḻgawan natoy dit nakapusa tagu ot inyoy dat anghel Apudyus sit kawadan Abraham. Natoy pay dit nabaknanga tagu ot innilbon da.

Kingkingwan 26:7

Satu un insapatan Apudyus, siya pay ud nanam-on dat kaganakan dat kagwampuḻu’t duwa un aappu taku un matungpal, siya’d gapuna’n mandaydayaw da kan Apudyus si inaḻgaw kan linabi. Apu Ari, gaputa mannamnamaak situwa insapatan Apudyus, siya’d namabasuḻan dan Judio kan sakon.

Hebreo 1:14

Ot singngadanon dit koon dat aanghel nu? Dida dat manselselbi kan Apudyus un babbaun na un umoy tumuḻung sidadit taguwona.

Sat Naipatigammu 21:15

Sadin anghel un nakabagbaga kan sakon inggaw buḻawana iingos na un man-ingos na utdin ili kan sadan sooban kan aḻad na.

Sat Naipatigammu 21:25

Maibubukkata kanayun dan sooban din ili nu aḻ-aḻgaw un naid maombana kan maidon labi utdi.

Sat Naipatigammu 22:14

Nagasat dadin tagu’n manaksak sidan badut da ta awad kalintogan da un lumnok sidin sooban didin ili kan mangan sidin bungan didin kayu’n mangitod si mataguwan si inggaingga.