Mateo 28:7 - Kalinga Limos

⁷ Asiyu daḻdaḻsona umoy ibaga’t dat disipulus na un ummungaḻon. Ot makauna’d Galilea nu dikayu ot siyadi ud mangil-an yu kan siya. Tandaanan yu tuwa imbagak kan dikayu.”

Mateo 28:7 ပူးပေါင်းရင်းမြစ်များ

Mateo 24:25

Adiyu liuwan! Idaadaan kuwon ibaga datu kan dikayu.

Mateo 26:32

Yoong nu maabusa mapaungaḻak, umun-unaak Galilea nu dikayu.”

Mateo 28:10

Utdi kinnanan Jesus kan dida un, “Adi kayu umogyat. Ikayu ibaga’t dan losana susunud ku ta umoy da ud Galilea ot maila da ud sakon sidi.”

Mateo 28:8

Utdi, nandaḻadaḻas da un kaysan un kumimkimut da yoong amod dit anggom da. Nanodtoddak da un ummoy nangibaga’t dat disipulus Jesus.

Marcos 14:28

Yoong nu maabusa mapaungaḻak, umun-unaak Galilea nu dikayu.”

Marcos 16:10

Ot si Maria kaysana ummoy nangibaga’t dat mandomdomdom kan mampa-i-ibil un naibuḻubuḻun kan Jesus sidit un naila na si Jesus.

Marcos 16:13

Nangulin datu un duwa un ummoy nangibaga’t dat udum un naila da si Jesus yoong adida tinuttuwa dida.

Lucas 24:34

Ot imbaga da utdat duwa un, “Tuttuwa’n ummungaḻ si Apu ta nampaila kan Simon.”

Juan 14:29

Imbagak kan dikayu datu daan da un mapasamak daḻapnu nu mapasamak da, manuttuwa kayu.

Juan 16:4

Yoong imbagak kan dikayu datu ta dumtong kad nat timpu un mapasamakan da, magasmok yu un imbagak dida kan dikayu.” “Adik indaddaan un imbaga kan dikayu datu utdit damu ta iniinggawak payyan kan dikayu.

1 Corinto 15:4

Nailbon ot ummungaḻ sidit maikatlu un aḻgaw un siya’d kanan payyan dit naikanglita ugud Apudyus.

1 Corinto 15:6

Asina payyan nampaila’t dat nasuluka limanggasuta buyut na. Natoyon dat udum yoong matattagu payyan dat kaaduwan kan dida.