Mateo 27:50 - Kalinga Limos

⁵⁰ Nampakuy uman si Jesus ot insuku naon dit angos na.

Mateo 27:50 ပူးပေါင်းရင်းမြစ်များ

Mateo 20:28

Kama kan sakona Inyanak di Tagu, bokona dummatongak daḻapnu paselbiyak sidan tagu nu adi dummatongak daḻapnu manselbiyak kan dida. Dummatongak daḻapnu itdok tun angos ku un mansubbut ku utdan adu’n tagu.”

Mateo 27:49

Yoong kanan dat uduma, “Daḻam yan ta ilan taku nu umoy Elias taguwon!”

Marcos 15:37

Utdi nampakuy si Jesus ot napungdiwon dit angos na.

Lucas 23:46

Utdi, nampakuy si Jesus un kanana’n, “Ama, itaḻgod ku kan sika tun ispirituk.” Maibaga na man di, napungdiwon dit angos na.

Juan 10:11

“Sakon ud nabaḻu’n man-aayyuwan. Sat nabaḻu’n man-aayyuwan, nasasaggana’n mangitod sit katoy na maipagapu utdat ayyuwan na.

Juan 19:29

Inggaw gusi utdi un napnu’t nakiloma basi. Insawsaw da dit kama’t kapos, asida inniggat dit pungtun dit gaḻuttigit dit kayu’n mangngadan si isop asida idukmit sit subil Jesus.

Juan 19:30

Utdit matamtaman Jesus dit nakiloma basi, kinnanana un, “Nagangputon!” Maibaga na man di, nanting-oy ot insuku naon dit angos na.

Hebreo 2:14

Ot gaputa tagu kan matoy taku’n aanak Apudyus un ug-ugudona, nambalin pay si Jesus un tagu daḻapnu maipada kan ditaku. Kingwa na tu daḻapnu utdit matoyana kan umungaḻana abakona si Satanas un manligwatan di matoyan kan maisinaan di tagu kan Apudyus.

Hebreo 5:7

Utdit ininggawan Jesus situn pita nanluwaḻu ot indakoḻ na dit ginga na kan inyibil na un dit nangkodaw kan Apudyus udsi mataguwana kan katoy gaputa tigammu na un mannakabalin. Ot dingngoḻ Apudyus gaputa nampakumbaba kan nantungpal.

Hebreo 9:14

Utdi, nu mabalin dadi un makadaḻus, ad-adu dit nakwaan dit daḻan Jesu Kristu. Ta si Kristu un naid pulus napabaḻawana, indatun na dit long-ag na kan Apudyus gapu’t dit saḻak Ispiritu Santu un maid matoyana, daḻapnu sat daḻa na dit manaḻus situn kasomsomkan taku’n naisaw maipagapu’t dan kingkingwa taku’n maid selselbina. Kadon, mabalin takuwona manselbi kan Apudyus un matatagu.