Mateo 15:31 - Kalinga Limos

³¹ Utdi, nasnasdaaw dat tagu’t dit naila da un mambagbaga dat naumoḻ, kumiyang dat napilay kan umila dat nakuḻap ot nandaydayaw da kan Apudyus un siya’d daydayawon dat kaganakan Israel.

Mateo 15:31 ပူးပေါင်းရင်းမြစ်များ

Mateo 15:30

Aduadu’n tagu’n ummoy kan siya un nan-idatong sidat napilay, nakuḻap, naumoḻ kan adu dat udum paya masakit. Innigga da dida’t dit sanguwan Jesus ot pinapiya na dida.

Mateo 18:8

“Ot nu sanat imam onnu ikim nat maigapuwan nat makabasuḻam, putdom ta idawat nu! Ta un-unnaya lawa un osossaan nat imam onnu ikim un lumnok sin mataguwan si inggaingga, nu sanat duwa nat imam onnu ikima maidawat sin apuya adi maksop.

Mateo 21:14

Utdi ummoy dadit nakuḻap kan da napilay kan siya’t dit timplu ot pinapiya na dida.

Mateo 8:10

Nasdaaw si Jesus sit dongḻona di ot kinnanana’t dat tagu’n maitungtung-ud kan siya un, “Tuttuwa tun ibagak kan dikayu un pulus pay nu awad innilak si osa’t iyIsrael un manuttuwa si kama’t tuwa kapitan.

Mateo 9:32

Utdit manaddaḻanan dat nakuḻapa kummiya, inggaw da ud nangidatong kan Jesus si naumoḻ ta sinakayan di dimunyu.

Mateo 9:33

Maabus mana addagon Jesus dit dimunyu mambagbagaon dit tagu ot nasnasdaaw dat tagu’n nakaila un kanan dan, “Naid payyan innila mi si kama’t tu ud Israel.”

Mateo 9:8

Mailan man dat tagu, ummogyat da ot nandaydayaw da kan Apudyus ta intod na dit kalintogan un kama’t di si tagu.

Marcos 2:12

Utdi, gummangun dit tagu ot dagusa inaḻa na dit obok na ot kaysana iillan dat adu’n tagu. Nasnasdaaw da un losan ot indaydayaw da si Apudyus un kanan dan, “Maid payyan nakail-an mi si kama’t tuwa nakwa.”

Marcos 7:37

Taḻona nasnasdaaw da un losan ot kanan da un, “Laulaus un losan dan kokkoona. Padongḻona pay danat nabongngog kan mambagbagaona danat naumoḻ.”

Marcos 9:43

Ot nu sanat imam dit maigapuwan di makabasuḻam, putdom! Un-unnaya lawa un osossaan nat imam un lumnok sin mataguwan si inggaingga nu sanat duwa nat imam un manaḻan sin impiyelnu un maid maksopan din apuy si inggaingga.

Lucas 14:13

Yoong nu man-amung ka sad awisom dan nakapus, napikon, napilay kan nakuḻap.

Lucas 14:21

“Utdi, nan-ulin dit baba-unon ot imbagana’n losan dadit lasun da kan apuna. “Sadit apu nakasuḻag ot imbagana’t dit baba-unona un, ‘Daḻsoma umoy sidan losana kaḻsa kan nampadaddaḻan situn boboḻoy ta idallay nu un losan dat nakapus, dat napikon, dat nakuḻap kan dat napilay.’

Lucas 18:43

Dagusa ummila dit nakuḻap ot naitung-ud kan Jesus un nandaydayaw kan Apudyus. Ot mailan man dat losana tagu dit napasamak nandaydayaw da pay kan Apudyus.

Lucas 7:16

Taḻona nasnasdaaw dat losana tagu’n nangila ot dinaydayaw da si Apudyus un kanan dan, “Dummatong kan ditaku tun mannakabalin un propetan Apudyus ot inummoy Apudyus saḻakan ditaku un taguna.”

Juan 9:24

Utdi, inayagan da uman dit laḻaki’n nakuḻap sidit ot imbaga da kan siya un, “Padayawam si Apudyus ot ibagam nat tuttuwa ta tigammu mi un si Jesus, gumabasuḻ.”