Marcos 9:22 - Kalinga Limos

²² Kanayuna isubban dit ispiritu utdit apuy kan ilmos na utdit danum si mamatoyana kan siya. Ot nu kabooḻam, mangaasi ka ta tuḻungam dikami.”

Marcos 9:22 ပူးပေါင်းရင်းမြစ်များ

Mateo 14:31

Ot dagusa inaggoman Jesus un kanana’n, “Kaakit nat pammatima! Apay manduwaduwa ka?”

Mateo 17:15

“Apu, kaasiyam din abeng ku un laḻaki ta nakoḻdas ot taḻona mampalpaligat. Kanayuna matukas sin apuy kan danum.

Mateo 20:34

Ot nadaguwan si Jesus kan dida ot inapḻusana dat ata da ot dagusa ummila da ot naitung-ud da kan siya.

Mateo 8:2

Ot inggaw nakutoḻ un ummoy nampalintumong sit atubang na un kanana’n, “Apu, tigammuka kabooḻama papiyaon sakon nu piyaom.”

Mateo 9:28

Utdit dumatong si Jesus sit boḻoya iinggawana, nilumnok ot nilumnok pay dat duwa’n nakuḻap un ummoy ummadani kan siya. Utdi, inimus Jesus kan dida un, “Tuttuwaon yu kad un kabooḻaka papiyaon dikayu?” “On, Apu,” kinnanan da.

Marcos 5:19

Yoong madin Jesus impalubus un kanana’n, “Manaḻan ka utdin boboḻoy yu ta umoy ka ibaga’t dan buḻun nu dat kingkingwan Apudyus kan nangkakaasi na kan sika.”

Marcos 9:21

Inimus Jesus sit ama na nu kamaan dit kabayag dit gummiknaana. Ot kanan dit ama na un, “Manipud sit kaban-og na.

Marcos 9:23

“Nu kabooḻak, kanam?” kinnanan Jesus. “Maid adi makwa nu manuttuwa nat osa’n tagu kan Apudyus.”

Lucas 7:13

Nakaasiyan si Jesus un nangila utdit bilug ot kinnana un, “Adika man-ibil.”