Marcos 16:4 - Kalinga Limos

⁴ Yoong ilan da man sit dumatong da, naballinon dit naitubot un dakodakoḻana batu!

Marcos 16:4 ပူးပေါင်းရင်းမြစ်များ

Mateo 27:60

Utdiyon ummoy na innilbon sit kakokwa na un inabutana’n dakoḻa batu un lobon na pay lawan yoong. Maabus man, namallin si dakoḻa batu ot intubot na utdit sagangaban didit lobon, asina kaysan.

Mateo 27:66

Utdi, ummoy da inyamma dit tubot dit lobon asida minalkaan daḻapnu matigammuwan nu mabukatan. Maabus man, tinengyan da dat suldadu’n man-andog.

Marcos 16:3

Ot utdit daḻan nambabagbaga da un kanan da si osaosa kan dida un, “Ngadan kad nin nat mamallinon taku’t dit batu’n naitubot sit lobon?”

Marcos 16:5

Utdit lumnok da utdit lobon, nasdaaw da ta nangila da si babbagu un mantutupak sit kapon diwanan un nakabadut si napoḻkas.

Lucas 24:2

Dintong da un naballinona naiyadayu dit naitubota batu utdit lobon.

Juan 20:1

Wiswis-it man di umuna’n aḻ-aḻgaw di sin-dumingguwan, ummoy si Maria Magdalena utdit lobon. Naila na un naid dit batu’n naitubot sit sagangaban dit lobon.