Marcos 15:19 - Kalinga Limos

¹⁹ Ot pinangpang-ok da dit uḻu na si bassaw, niluglugpaan da kan nanalluku da un nagindadayaw kan siya.

Marcos 15:19 ပူးပေါင်းရင်းမြစ်များ

Mateo 27:30

Niluglugpaan da ot inaḻa da dit bassaw kan siya asida impang-ok sit uḻu na.

Marcos 10:34

ot manliwliw-anak, luglugpaanak, sabisabidanak asiyanak patoyon yoong nu lumabas tuḻu’n aḻgaw umungaḻak.”

Marcos 14:65

Utdiyon niluglugpaan dat udum, binaḻaw da asida dinanudanug. Ot “Pugtuwam ud nu sin dit nananug kan sika,” asida kanan. Utdiyon, inaḻan dat suldadu un man-aandog kan siya ot tinipatipak da.

Marcos 15:18

Nagindadayaw da kan siya un kanan dan, “Matattagu tun Alin di Judio.”

Marcos 15:20

Utdit abuson da un man-am-amoḻan, niluksub da dit naduḻawa ingkagoy da ot insukat da dit gagangaya badut na. Ot inlaksun daon un umoy ilansa’t dit kulus.

Marcos 9:12

Summungbat si Jesus un, “Tuttuwa’n masapula mauna si Elias un dumatonga umoy mangisagana’t dat losan. Ot ngadan nat makanan yu utdit naikanglit sit ugud Apudyus un sakona Inyanak di Tagu sagapaḻok dat adu’n ligat kan sumdiyanak sidat tagu?

Lucas 22:63

Utdiyon, sadat tagu’n nangaandog kan Jesus, binabbainan da kan dinatadataḻ da.

Lucas 23:11

Dinuḻa kan binabbainan da Herodes kan dat suldadu na si Jesus ot binadutan da si kama’t badut di ali asin Herodes pinangulin kan Pilato.

Lucas 23:36

Binabbainan pay dat suldadu ot inadaniyan da asida initdan si kiloma basi.

Roma 11:4

Ot singngadan dit insungbat Apudyus kan siya? Kanana un, “Annat da payyan pitu’n libu un buḻun nu un taguka nabun-an un adi nandayaw sit sinan-apudyus un mangngadan si Baal.”

Filipos 2:10

Ot losana paloswa utdin langit kan situn pita kan sadan awad situn daḻom pita mampalintumong da un losana mandayaw kan siya.

Hebreo 13:13

Siya’d gapuna un unudon taku si Jesus un kama nu umoy taku maidagamung kan siya’t din lasin di ili, ot sagapaḻon taku pay dit ligat kan naibabbainana.