Kingkingwan 10:40 - Kalinga Limos

⁴⁰ Yoong maikatlu’n aḻgaw man pinaungaḻ Apudyus ot nampaila kan dikami.

Kingkingwan 10:40 ပူးပေါင်းရင်းမြစ်များ

Juan 14:22

Utdi, kinnanan Judas, un bokon kan Judas un Iscariote, un, “Apu, apay un dikami ullawa’d mangipatigammuwam sinat maipanggop kan sika un bokona utdat losana tagu’t tun lubung?”

Kingkingwan 17:31

Ta ingkoddongon Apudyus dit aḻ-aḻgaw un paukum na dat losana tagu’t tun pita utdit pinili na un ukum un nalintog si man-uukum. Pinanoknokana utdat losana tagu un siya dit pinili na utdit pinaungaḻ na kan katoy.”

Kingkingwan 2:24

Yoong pinaungaḻ Apudyus kan katoy ot winayaana utdit pannakabalin katoy ta adi mabalin un itulayan katoy.

Kingkingwan 2:32

Sadi un Kristu siya payon si Jesus un pinaungaḻ Apudyus kan katoy ot losan kami’n mangustigu’t dit napasamak.

Roma 1:4

Yoong nu maipanggop sit kinaapudyus na, napanoknokan un siya’d mannakabalina Anak Apudyus, ta ummungaḻa natoy maipagapu’t dit pannakabalin dit Ispiritu Santu.

Roma 14:9

Ta natoy kan ummungaḻ si Kristu daḻapnu siya’d Apun dat matattaguwan kan sadat natoy.

Roma 8:11

Nu iinggaw kan dikayu dit Ispiritun Apudyus un namaungaḻ kan Kristu, itdana pay si mannanayuna mataguwan danat long-ag yu un maḻpos maipagapu’t dit pannakabalin didiya Ispirituna un inggaw kan dikayu.

2 Corinto 4:14

Ta tigammu mi un si Apudyus un namaungaḻ kan Apu Jesus, paungaḻon dikami pay gapu’t dit naidagamungan mi kan Jesus. Kad aḻana ditaku’l losana idagamung sin kawadan Jesus.

Hebreo 13:20

Iluwaḻuk ta si Apudyus un manligwatan di kappiya kan namaungaḻ kan Jesu Kristu kan katoy, itdona dan losana nabaḻu un masapul yu daḻapnu matungpal yu dan piyaona. Kodawok ta mambalinona ditaku un tagu’n mas-omana maipagapu utdit saḻak Jesu Kristu. Ta si Jesu Kristu din gattoka mangaayyuwan kan ditaku un maiyalig si kannelu na. Ot maipagapu’t dit daḻa na nambalin dit bagu’n tulag. Madayaw si Kristu si inggaingga.

1 Pedro 1:21

Ta maipagapu kan Jesu Kristu nantaḻgod kayu kan Apudyus un namaungaḻ kan Kristu kan nangtod kan siya’t kinangatu kan kinadayaw. Kadon, mantaḻgod kan mannamnama kayu kan Apudyus.