2 Corinto 8:5 - Kalinga Limos

⁵ Ot ad-adu dat intod da nu sat ninamnama mi un itdon da. Ummuna un indatun da dat long-ag da un mangwa utdan piyaon Apu Jesu Kristu asidaindatun dat long-ag dan nanselbi kan dikami gaputa siya’d piyaon Apudyus un koon da.

2 Corinto 8:5 ပူးပေါင်းရင်းမြစ်များ

Roma 12:1

Sinsadin susunuda manuttuwa, gapu utdit amoda kaasin Apudyus kan ditaku, masapula idatun yu nat long-ag yu un manselbi kan Apudyus un kama’t datun un matattaguwan un maid si basubasuḻ kan gassosoom kan siya. Ta siyadi’d ustu’n mandadayaw kan siya.

Roma 6:13

Adi yu ipalubus nat ulay osa’n paltin di long-ag yu un iyapuwan di basuḻ ot mausala mangwa’t nadadag. Idatun yuwot nat long-ag yu kan Apudyus un mangiyapu, ot ipalubus yu nat losana paltin dinat long-ag yu un mausala mangwa’t nalintoga maibagay sidat tagu’n naibilanga natoy yoong pinaungaḻ Apudyus.

1 Corinto 1:1

Kan dikayu’n gimung di manuttuwa utnat Corinto: Napili kayu un mambalina nadaḻusa tagun Apudyus maipagapu’t din naiyossaanan yu kan Jesu Kristu, padana pay sidadit losana tagu’t din ulay ngadan na un igaw un mandaydayaw kan Jesu Kristu un Apu taku’l losan. Sakon si Pablo un pinilin Jesu Kristu un apostoles na gaputa siya’d piniyan Apudyus. Si Sostenes un sunud taku’n manuttuwa tun buḻun ku un mansulat kan dikayu.

2 Corinto 4:5

Bokona satun long-ag mi tun itudtudu mi nu adi si Jesu Kristu un siya’d Apu. Ot dikami dan manselselbi kan dikayu maipagapu kan siya.

2 Corinto 8:1

Susunud ku, piyaoka tigammuwon yu dit napasamak sidat gimung di manuttuwa utdin Macedonia gapu utdit kaasin Apudyus kan dida.