2 Corinto 12:4 - Kalinga Limos

⁴ Ot utdi inggaw da ud dingngoḻ na un adina makwa’n maibaga si bagbagan di tagu kan adina pay maipalubusa maibaga.

2 Corinto 12:4 ပူးပေါင်းရင်းမြစ်များ

Lucas 23:43

Kinnanan Jesus kan siya un, “Tuttuwa tun ibagak kan sika, sinsatunon umoy ka kan sakon langit.”

Kingkingwan 8:39

Utdit tumakdang da, dagusa indallay Ispiritu Santu si Felipe ot naidon inilan dit opisyal kan siya yoong intulutuluy na un kaysan un mantattaḻok.

1 Corinto 13:1

Ulay nu kabooḻaka man-ugud si nadumaduma’n bagbagan di tagu kan ulay san bagbagan dan aanghel nu maid mampipiyak, maid selbi na ot padak din gangsa onnu lata’n kumelakelaba lawa.

2 Corinto 12:2

Awad tigammuk un osa’n manuttuwa kan Kristu un kakḻata naingatu utdit maikatlun langit, kagwampuḻu’t opata dagunon dit napalabas. Adik tigammu nu sadit mismu’n long-ag dit tagu dit inummoy onnu bokon. Si Apudyus ullawa’d makatigammu. Ta sat tigammuka lawa naingatu’t dit igaw Apudyus sin langit.

1 Tesalonica 4:17

Utdiyon, ditaku’n manuttuwa un matattaguwan sidiya timpu kakḻat taku ullawa’n mauḻmung un maibuḻun kan dida’n mampangatu un umoy umabot kan Apu Jesus sidin kabunotan. Kadon, iinggaw takuwon kan siya si inggaingga.

Sat Naipatigammu 12:5

Utdi, inyabeng dit babai dit abita laḻaki yoong kakḻata nagamḻut dit abit un naiyoy kan Apudyus un awad sit trono na. Ta satuwa abit dit naikoddonga mangiyapu utdan kataguntagu uttun pita. Nailot dit man-iiyapu na un kama nu awad aaggomana un landuk.

Sat Naipatigammu 2:7

“‘Dikayu’n awad si inga’n makagngoḻ, dongḻon yu datuwa ibagbagan din Ispiritun Apudyus sidan manuttuwa. Sadat tagu’n adi paabak si singngadan na mana laweng ipalubus ku un makakan sit bungan di kayu’n mangtod si mataguwan un awad sin nabaḻu’n igaw Apudyus.’ ”