1 Corinto 7:23 - Kalinga Limos

²³ Ginatang dikayu kan Apudyus si nabanol. Isunga adi kayu papuyung si tagu.

1 Corinto 7:23 ပူးပေါင်းရင်းမြစ်များ

Mateo 6:24

“Maid baba-unon si mandisanona’n manselbiyan dan duwa’n apu. Ta lawengona dit osa ot piyaona dit osa, onnu ipasnok na un manselbi’t dit osa ot duḻaona dit osa. Ot padana pay kan dikayu un adiyu mabalina mandisanon din manselbi kan Apudyus kan gumamgama gumaknang.”

Kingkingwan 20:28

Siya’d gapuna un aayyuwana’n yu nat long-ag yu padana pay sidat losana labban un ipaayyuwan Ispiritu Santu kan dikayu. On, ayyuwanan yu dat tagun Apudyus un sinubbut na utdit daḻan dit mismu’n Anak na.

1 Corinto 6:20

Ginatang dikayu’t nabanol ot masapula usalon yu nat long-ag yu si maidayawana.

Galacia 2:4

Awad da ussiya ud mangipapilita matulgiyan si Tito. Sadatu un tagu nan-ag-agin da un manuttuwa ot adimi napuppuutan dit nakabungguyan da un mangisiim sit wayawaya mi un maipagapu’t dit naiyossaanan mi kan Jesu Kristu. Ta sad piyaon da, puyungon dikami’n umunud sidat lintog dat Judio.

Tito 2:14

Induya na dit long-ag na gapu kan ditaku daḻapnu mabayadan dan losana basuḻ taku kan daḻapnu mambalinon ditaku un nadaḻusa tagu na un mangiyaangosa mangwa ut napiya.

1 Pedro 3:18

Ta ulay si Kristu un nalintog napatoy. Namingsana lawa dit napatoyana un nanagapaḻ sidat dusan dat losana basuḻ daḻapnu maipaoli taku kan Apudyus. Pinatoy da dit long-ag na yoong pinaungaḻ Apudyus ot matatagu udsi ispiritu.

Sat Naipatigammu 5:9

Ot nangkanta da si bagu’n kanta un kanan dan, “Sika’d lumbonga mangaḻa’t din naḻukuta dokumentu kan sika’d lumbonga mangaan sidan pitu’n peket na ta pinatoy dika ot sat daḻam dit nansubbut nu utdat tagu’t dan basuḻ da daḻapnu mambalin da un tagun Apudyus. Sadatu un tagu nanligwat da si nadumaduma un ili, tribu kan nadumaduma dat bagbaga da.