1 Corinto 14:11 - Kalinga Limos

¹¹ Yoong nu awad makabagbaga kan sakon ta adik maawatan din bagbaga na, ibilang dit mambagbaga un kakkailiyak kan ibilang ku paya kakkaili.

1 Corinto 14:11 ပူးပေါင်းရင်းမြစ်များ

Kingkingwan 28:2

Laus dit nansasangailin dat umili’t di kan dikami. Nangwa da si apuy un man-aniduwan mi ta inluginaon dit udan kan amod dit kumog na.

Kingkingwan 28:4

Mailan man dadit umili’t di un igaw dit mantattayuna uḻog sidit iman Pablo kinnanan da si osaosa kan dida un, “Maid duwaduwa na un kumapatoy tuwa tagu, ta ulay nakalasat sin baybay adina nabutikan dit maidusa kan siya.”

Roma 1:14

Ta awad loblobbongok sidan losana tagu: inggaw da man sin dakolana ili onnu utdin kabatbateledan, naadaḻan man onnu naid si adaḻ.

1 Corinto 14:10

Tuttuwan adu un nadumaduman bagbaga uttun lubung yoong losana awad kaipooyana.

1 Corinto 14:21

Ta awad dit naikanglita ugud Apudyus un kanana’n, “Sadat tagu’n sabali’t bagbaga dan mangibagaok sidat tagu utdat piyaoka ibaga kan dida yoong ulay nu dongḻon da dit sabali’n bagbaga, sissiya kampaya adi da ud sakon dongḻon, kanan ud Apu.”

Colosas 3:11

Ot gaputa pinabagu dikayu kan Apudyus maidon Judio onnu bokona Judio, natuḻgiyan onnu bokona natuḻgiyan, naadaḻan onnu bokona naadaḻan, puyung onnu bokona puyung ta si Kristu ullawa’d nangatu un abus kan iinggaw sidan losana mantaḻgod kan siya.