Zakadiia 9:8 - O Mikanda Ikola

⁸ Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.

Zakadiia 9:8 ပူးပေါင်းရင်းမြစ်များ

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 19:34

Uixi: Mukonda o mbanza iii nga-nda ku i kambuidila, mbé o ku i bhulula mukonda dia jihjenda jami Eme-muène ni mukonda dia henda i nga kuatela mubhikʼami Davidi.

II Jisobha 23:29

Mu izuua ia Joziia, kiene kia bande Falaó dia Neku, sobha ia Ijitu, mu kúlua ni sobha ia Asídia, mu honga ia Ufalate; o sobha Joziia kioso kia tundila Neku mu kúlua-nê bhu Mejido, bhenhobho bhene bhua mu jibhila kuala Neku, kioso ngoho kia di-mon-nê.

II Jisobha 24:1

Mu izuua ia Nzouakí muene mua bande Nabukodonozolo, sobha ia Babilónia, mu kulua-nê, o Nzouakí hé u kala mivu itatu ku ubhika; o ki iabhu phe, ua hunduluka iú ua kitukila sobha ia Babilónia.

Jisálamu 34:7

Anjo ia Jihova i kala jinga ku kilangidilu kia iá a mu kuatela uôma, hé u a kudila.

Jisálamu 72:4

Ngana hinu u fundisa o jingandiama, ku mundu, u bhulula anʼa jiphulungu a tate; o ngungu u mesena u bhûnda akuâ, a mu katule o mahanha.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 3:9

Kiki-phe ijiia na-kiu, kuila, o kudikola kua anʼa Izalaiele kua ngi sange; o kuzukuta ue nga ku mono kiala ku a zukutisa akua Ijitu.

Jisabhu 3:25

Ku kala ni kekenha, ia kima kiaiibha kiza mu lusolo, né-mbe kuiza o kibuika kia athu a bhumu.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 31:5

Jihova dia Ilômbo Ieta u zenzama mu ku kondeka Jeluzaleme mukuâ ni ki zenzama jinjila bhulu; u mu bhângela, u mu kudila, u mu kondeka, u mu bhulula.

Izaía 4:5

Jihova ua kà bhanga ku thanduʼa mabhata moso ma mulundu ua Ziione ni ku thanduʼa mabhongolokelu mâ moso, dituta mu muanha, ni dixi ni mulengu ua túbhia mʼusuku, mukonda ku thandu dia kizunda kioso kua kà kala kukondama.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 52:12

Kuma ki mua-nda kutunda ni lusolo, kana, ki mua-nda kuila kala mua lenge; mbata Jihova muene ua-nda ku mi tuamenena ku pholo, O Nzambi ia Izalaiele anga ua kà kala kuema dienu.

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Jelemiia 46:13

Kizuelu kia tangele Jihova kua Jelemiia, polofeta, ku mbandu ia kuiza kua Nabukodonozolo, sobha ia Babilonha, phala kujimisa o ixi ia Ijitu.

Jelemiia 46:2

Ku mbandu ia Ijitu, kia bilulukila kifuẋi kia Falaó dia Neku, sobha ia Ijitu, kifuẋi kiê kia kexile bhu mbandu ia honga ia Ufalate, bhu Kakemixi; kifuẋi kia jibhile Nabukodonozolo, sobha ia Babilonha, mu muvu ua kauana ua Nzuakí, monʼa Joziia, sobha ia Juda:

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Amoji 9:15

Jihova, Nzambi ié ua ki tange, uixi: Nga kà a phapha mu ixi iâ, ki bhua kàla dingi u tena ku a vuza mu ixi i nga a bhana.

Zakadiia 12:4

Jihova uixi: Bhu kumbiʼodio o jikabalu joso nga kà ji kuama ni kisasumuke, o ió oso a ji mondala a ká saluka malaji; mesu mami ma kà tona kʼonzo ia Juda o jikabalu joso ja akua jixi nga kà ji kuama ni ufofo.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Zakadiia 14:11

A kà tunga muenhomo, ki kuà kala dingi muthu a mu ta mázui, mukonda Jeluzaleme ua kà tunga ua kà soma.

Zakadiia 9:7

O manhinga ma jisata ja iteka nga kà a katula mu kanu dia enhâ, ni kubhanga isunji iaíibha ngi ku katula ku mazu mâ; bheneʼobho muene ue ua kà xala kala kisubhuke, kia subhuka phala Nzambi ietu; ua kà di bhanga kiá mukua dijiku dia Juda, o Ekolone uà kela kiá kala Jebuzeu.

Jipoxolo 7:34

Nga tongolola muene o phaxi ia mundu uami mu Ijitu, ngevu o kukema kuâ. Eme nga tuluka mu ku a kudila. Kiki eie nganda ku ku tuma ku Ijitu.

Dijingunuinu 20:9

Ene anga a di zala mu ngongo, oxi ioso iezala katé ku mbambe, anga a kondoloka o kilômbo kia akua-Ngana ni mbanza ia zolo muène, hé a i ta bhu kaxi. Maji mu diulu mua tuluka túbhia, anga tu a buikisa.