Zakadiia 9:3 - O Mikanda Ikola

³ O Tilu ua di tungila jimbonge ja imbaka, iú ua di bhongoluela phalata kala fufutila ni ulu ua fina kala malôua mu nzunga.

Zakadiia 9:3 ပူးပေါင်းရင်းမြစ်များ

II Samuuele 24:7

A bhiẋla bhu mbonge ia Tilu, ni mu mabhata moso ma Mahivi ni Makanana; anga a tundila ku sulu ia Juda, bhu Bele-seba.

I Jisobha 10:21

O itutu ioso ue ia kunuina ia sobha Solomá ia kexile ia ulu, ni itutu ioso mʼonzo ia ditutu dia Libano ia kexile ia ulu uozunze kiambote. Ku sange-mu ima ia phalata, mukonda mu izuua ia Solomá o phalata ki ia tele kima.

I Jisobha 10:27

Anga sobha u bhangesa kuila mu Jeluzaleme mu izala ni phalata kala matadi; o misédulu mu kuvula, u fika kala mikuzu iala mu mikáu ku matutu.

Jobe 22:24

Kienhokio-phe o ulu ua kà u lunjijika mukua ni fufutila, ni ulu ua Ofidi uà kela kala matadi ma jingiji.

Jobe 27:16

Se o kisuéia u bhongolola phalata kala kufutila ia mavu, anga u lunda izuatu kala malôua,

Jobe 3:15

Mba hinu nga zeka kumoxi ni ilamba a kexile ni ulu, a kexile mu kuizalesa jinzu jâ ni phalata;

Izaía 23:11

Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 23:8

Mukuahi muene ua funha kima kala kiki, phala ku balukila Tilu, o mbanza iòzuike kitundu? Ua bhingi jingenji jê ngó ilamba, anga akuakufuna a kala makota ku ungana uaʼxi?

Izekiiele 26:12

Ene hé a kà nhana o umonhi ué, o ima ié ia uenji a kà i bhûnda, o imbaka ié a kà i lundumuina bhoxi, o jinzu jé ja iuka kinéne a kà ji sengulula; anga o matadi mé ni miẋi ié ni fufutila ié, a kà i lunduluila mu kaxi ka menha.

Izekiiele 27:27

O jimbongo jé, ni itanda ié, ni uenji ué, ni athuʼé endela ku musanza, ni atabhuidiʼé ni oso a kexile mu kuxita o mazunguʼé ni oso a kexile mu ku ku tela o uenji, ni masoladi é oso ala momuʼé, kumoxi muene kiá ni kionge kié kioso, kiala muʼaxaxe ké, a kà njoboka mu kaxi ka musanza ua kalunga mu kizuua kié kia kúbua.

Izekiiele 27:33

Kioso o mauenji mé kia kexile ku ma tuta ku musanza ua kalunga, eie uekutisa ifuẋi ia ndumba, ni jinzungule ja jimbongo jé ni mauenjiʼé ua bhana umoni ku jisobha mu ngongo.

Izekiiele 27:34

Bhu thembu ia ku bhondeleka ku misanza ia kalunga, o mauenji mé a njoboka muene koxiʼèlele dia menha, ni kionge kié kioso muʼaxaxe kê.

Izekiiele 28:1

O Kizuelu kia Jihova anga kiza kokuami, kuila:

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.

Josuué 19:29

Mbambe ienhiʼii-phe i alukila mu Lama, katé ku mbonge ia kolo ia Tilu; hé i bilukila mu Hosa, anga iia mu kutundila ku musanza ua kalunga kua zukamena o mikáu ia ixi ia Akezibe;