Zakadiia 9:17 - O Mikanda Ikola

¹⁷ Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Zakadiia 9:17 ပူးပေါင်းရင်းမြစ်များ

Jisálamu 144:12

Mbé anʼetu a mala, mu unzangala uâ, a kale kale mixi ióphaphe i kula lusolo tunde mu undenge uâ; o anʼetu a ahatu ue a kale kala matadi a kuatesa bhu thungi, a kala muene mukuâ ni jiphiladi jósete ja palaxu.

Jisálamu 145:7

A kà tanga musêndu ua mbote ié iavulu, hé emba o mukumbi ua kukumbidila kué.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 36:7

O kulenduka kué, Ngana Nzambi, kuzediua kua nzungule! Anʼathu kiene ki ene mu lengela moxi a mabhabha mé!

Jisálamu 45:2

Eie kuuabha kué kuengi, kua anʼa mala mu ngongo ndenge; eie o kusangumuka kua ku tunga kiá ku mizumbu; Nzambi kiene kia ku tunguila ni dibesá di nangenena.

Jisálamu 50:2

Kididi kia Ziione, ki ki moneka luiadi mu kuuabha, muene muala kutunda o kubenha kua Nzambi,

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Jisálamu 90:17

O uabhelu ua Jihova, Nzambi ietu, u kale ku thandu dietu; u kôlese ikalakalu ia maku metu; èué, ikalakalu ia maku metu i kuate kiambote.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Mukumbi ua Mikumbi 5:10

Mukonda o kazola kami uedi ni kuzela ni kukusuka; muene ua beta ku di tungula mu makuinhi a jimidi.

Mukumbi ua Mikumbi 7:9

O kutouala kua jibeju mukuá ni vinhu ia uabha kiambote. Xi, mukua ni vinhu ia di kenze kiambote phala kazola kami, a inua ni kulembakata kuoso, vinhu i bhangesa kuila o mizumbu ia athu aii ku kilu ienda ni ku zuela.

Izaía 33:17

Eie o mesuʼé a kà mona Muenexi mu uuabhelu uê, a kà kengelela ue oxi ia di zale ku makanga.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Jelemiia 31:14

Anga ngà kʼekutisa muenhu ua jinganga ni ima ia nete, o mundu uami, mbote jami ja-nda kua kà a kuma muene, Jihova ua ki tange.

Jouele 2:26

Hé mua kà dia ima ia ndumba anga muikuta, ni mu kale mù ximana dijina dia Jihova Nzambi ienu, ua mi bhangela ima ia madiuanu kala iii; kieneʼokio mundu uami ka kà kala dingi ni sonhi.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.