Zakadiia 9:12 - O Mikanda Ikola

¹² Anga ngʼambela, ngixi: Vutukenu mu kimbaka, enu sumbala a mi kutu maji hanji muala ni kudielela; lelu dienhidi ngi mi tangela kuila imbamba ienu ioso nga-nda ku mi vutuila-iu mu luiadi.

Zakadiia 9:12 ပူးပေါင်းရင်းမြစ်များ

Jobe 42:10

Jihova anga u lungulula kikexilu kia Jobe, kioso muene kia mu sambela hanji o makamba mê; Ngana anga u mu bhana mu luiadi ima ioso ia kexile na-iu kiá ku diamtekenu.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Izaía 38:18

Mukonda o mbila ki i tena ku ku ximana, o kalungʼa-ngombe ka tena ue ku ku fumanesa; Kuambe dingi athu a seiela mu ʼbòmbo dia kalunga kuila adielela kubhandulukila mu kidi kié.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 49:9

Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 52:2

Dikukumune o fufuta, balumuka u xikame, Jeluzaleme, tata; mona-kilumba mu Ziione uene bhu lubhambu di-jitune o mukolo mu xingu.

Izaía 61:7

Mukonda dia sonhi i mua tambula mu luiadi ni malebhu, mua kà sangulukila ku dikânda dienu; kala kiki moxi ienu, o ima i mua kʼàvua ia kà di-budika mu luiadi, mua kà kala ni kusanguluka ku nangenena.

Jelemiia 14:8

Eie u Kidielelu kia Izalaiele, eie u Mukudidi uê mu kithangana kia jiphaxi! u di bhangela-hi kala u nzuangiza moxiʼumu? mba u ngenji-a-thumba u bhambukila kuzekela usuku?

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 31:17

Hanji sai kia kudielela ku disukilu dia xala-ku phala luvualu lué, Jihova ua ki zuela, kuma hádia anʼé a kà vutuka mu jimbambe jâ jʼokulu.

Jelemiia 31:6

Mbata hádia kua kà kala kizuua kia-nda kudikola akua kulanga ku thandu dia mulundu ua Ifalaimi. Balumukenu tu bande ku Ziione kua Jihova, Nzambi ietu.

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 51:10

O kulunga kuetu, Jihova ua ku bheka mu mukengeji; zenu, nda tu ki tange mu Ziione, o kikalakalu kia Jihova, Nzambi ietu.

Izekiiele 37:11

Bhenhobho-phe u ngʼambela, uixi: Eʼ monʼa diiala, o ifuba iii, uene o muiji uoso ua Izalaiele; kuma ene a mu kuila, exi: O ifuba ietu ia kukuta, o kudielela kuetu kua di boto; o etu ia a tu batula kiá.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Jouele 3:16

Bheneʼobho Jihova ua kà hunza mu Ziione, ua kà bhana mbimbi iê mu Jeluzaleme, ni diulu, ni ixi ia kà teketa. Kieneʼokio Jihova phe ua kà kala lengelu dia mundu uê, muene kimbaka kia anʼa Izalaiele.

Mikeia 4:8

Eie-phe, eie u ditala dia dileka dia kilunga, eie u mulundu ua monʼa Ziione ua muhatu, ko-kué eie muene, kuene kuà kʼeza o kutumina kua xahulu, o utuminu ió ua monʼa kilumba, Jeluzaleme.

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.