Zakadiia 9:11 - O Mikanda Ikola

¹¹ O kokué-phe, eie u Ziione, mukonda dia manhinga ma kikutu kié, jihutile jê ngà ji katula mu dikungu dia kambe menha, mua a tele.

Zakadiia 9:11 ပူးပေါင်းရင်းမြစ်များ

II Samuuele 13:13

Mukonda eme o jisonhi nga-nda ku di tela na-ju kuebhi? Eie-phe ue ua-nda ku di sokesa ni jihábhu ja malaji mua Izalaiele! Nga ku diondo-phe, zuela hanji kua muenexi; muene ka-nda kudituna ku ngi bhana ko kué.

II Malunda 7:17

Kuambe-phe dingi eie, se uenda bhu pholo iami, kala kiende tatʼenu Davidi, hé u bhanga muene ioso kala ki nga kuambela, anga u bhaka o jingonge jami ni mabatuilu mami,

Jobe 33:30

Phala kuzaúla o muenhu uê mu diela, ni ku mu muikina ni mukengeji ua athu ala ku muenhu.

Jisálamu 30:3

Ua ngi vutula, Ngana, mu kina mu ngambele kuia; eie ua ngi bhake hanji ku muenhu, kuma kuia mu bombo dia kalunga kua ngi kambele ngó!

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisálamu 69:33

Kuma Nzambi uívua o jiphulungu; ka tobhesa jihutile jala bhu mikolo.

Makatukilu 24:8

Mozé anga u katula o manhinga, u a sangela ku mundu, uixi: Talenu, manhinga ma kikutu, kia te Jihova ni enu, ku thandu dia maka osoʼá.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Izaía 42:22

Maji o athu iá, athu ònhane, óbhunde; ene oso a a kutila mu jingenda, ia a a sueka mu jinzu ja makuikilu; a a bhange mbole, u a kudila ka moneka; ela kala imbamba ia kubhunda, ki bhuala uila: Vutula, nguetu!

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 49:9

Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 51:14

O hutile uoso a mu balakala-phe ka nangʼiê kujituka, ka kà fuila mu kaleia, lémbua; o kúdia kuê ki kuà kamba.

Izaía 58:12

Oso a tokala ku mbutu ié, ene a kà tunga ididi ia budika mʼukulu; eie ua-nda kubhetula o madisesa ku muiji ni muiji; anga a kà ku luka exi, Mutungi-a-ibhela ia budika, kilolo kia ku jikula ikoka phala ixi ia kutunga ni kusoma.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Jelemiia 38:6

Bheneʼobho, Jelemiia a mu kuata, a mu takuila mu kiboiongo kia Malkiia, monʼa sobha, kia kexile mu lumbu lua kilangidilu; Jelemiia hé a mu zezesa ni mikolo; maji mu kiboiongo ki mua kexile menha, inda maloua ngó; Jelemiia hé u kuzuka mu malôua.

Daniiele 2:29

Kioso, eie sobha, ki uala bhu hama ié, kua kuiza ixinganeku kioso kia-nda kuiza-ku ku pholo ku ua lungu. Uoso-phe mukua kujingununa o ijinganu ioso, iu ua ku ijidisa kioso kia kʼèza-ku.

Matesu 26:28

Kuma iá ene o manhinga mami, ma di zunza mukonda dia mundu phala kuloloka o ituxi. Mene o manhinga ma kuatesa o Kikutu Kióbhe bhu kaxi ka athu ni Nzambi.

Marku 14:24

Uixi: Ia, ene o manhinga mami, a lunduluka mu mulonga ua athu avulu. Ene o manhinga a kuatesa o Kikutu Kiòbhe bhu kaẋi ka Nzambi ni athu.

Luka 16:24

Anga u di kola uixi: Tata Mbalahamu! Ngi kuatele henda! Tuma Lázalu a bondeke mútue ua mulembu uê mu menha, eze a ngi talalese bhu dimi, mukonda nga xixima kiavulu mu mulengʼumu!

Luka 22:20

Ni kopho ue kiene kimoxi, kia zubha o kuseiala, uixi: Dikáu didi, kiene o Kikutu kiòbhe bhukaẋi ka Nzambi ni athu, kiòkolese ni manhinga mami, manda kubhubha mukonda dienu.]

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

I Kolindo 11:25

Kiene kimoxi ue kia bhangele ku kopho, kia zubha o kuseiala, u i kuata, uixi: O kopho iii, kiene o kikutu kiobhe bhu kaxi ka Nzambi ni athu, kiojike kidimbu ni manhinga mami. Kioso ki mu nua jinga ku kopho iii, mu ki bhanga mu ku ngʼ imununa Eme.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Jihebeleu 10:2

Se o akua kubheza Nzambi a zubhile kuzela ku ituxi iâ, o jisata joso-phe ue hinu jeji kubhua-ku.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Dijingunuinu 20:3

Anga u mu takula mu dikungu ki di moneka hole, hé u di jika, anga u mu tela-ku kidimbu, phala ka bhombe dingi akua jixi, katé ki-bhua kubhita o midi ia mivu. O midi ia mivu ki i zubha kubhita, ki bhinga a mu jituna hanji kathangana.