1 Ubatuilu ua Jihova ua lungulukila ixi ia Hadalake ni ixi ia Damasku, o kibuta kiê, kuma Jihova mesu mê uene ku ma ta kuthandu dia athu ni kuthandu dia miji ioso ia Izalaiele.
Anga a di uanununa mu ibuka mu usuku, ni muene ni jiselevende jê, jinguma anga a ji beta, a ji bhesa lusolo, aia ni ku a kaia katé bhu Hoba, kifua ku kiasu, Damasku ua xalela ku kadilu.
Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.
Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.
Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.
Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.
Jihova uambe kiki: Mukua ni mubidi ki a tambula inama iiadi ia kibhaku mu kanu dia hoji mba kathumba ka dítui, kiene ue Jihova kia kà bhulula anʼa Izalaiele a tungu mu Samádia; u a tambuila muene ku mizumbu ia muanza mba ku mikambu ia hama.
Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.
Mázui eme nga kèza na-u, anga ngi bhangesa kuila a bokona mʼonzo ia muii ni mʼonzo ia iú u loka ngó makutu mu dijina diami; anga a kà bhita usuku ua muvinba muenhomo mu kaxi ka inzu iê, anga inzuʼoio a kà i jikinisa ni miẋi iê ni matadi mê, kumoxi, Jihova dia Ilombo Ieta ua ki tange.