Zakadiia 8:8 - O Mikanda Ikola

⁸ Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.

Zakadiia 8:8 ပူးပေါင်းရင်းမြစ်များ

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 23:8

maji: Jihova a nangenene, uedi muiji ua dibhata dia Izalaiele ua u takana kʼoxi ia kusuku ni ku jixi joso kua a tandele; anga a kà tunga kiá mʼoxi iâ.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 30:22

Enu-phe mua kà kala mu mundu uami, eme nga kà kala ngi Nzambi ienu.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Izekiiele 36:28

Hé mua kà tunga mu ixi i nga bhana ku jitata jenu, enu anga mu ngi kala mu mundu uami, eme ngi kala ngi Nzambi ienu.

Izekiiele 36:33

Kuma o Jihova Nzambi uambe, kiki: Bhu kumbi di nga-nda ku mi sukula ku ikuma ienu ioso, kienhókio nga kà bhangesa kuila o jimbanza joso ja kà kala athu, o ididi ioso ia bhiti ni kibuika a kà i tunga jinzo.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Izekiiele 37:27

O balaka iami ia kà kala ni ene, emeʼeme ngi kala ngi Nzambi iâ, o ene a kà kala ene o mundu uami.

Hozeia 11:11

Akua Ijito a kʼèza ni kuteketa kala tunjila, o akua ixi ia Asídia a kʼèza ue mukuâ ni diembe, anga eme ngi a bhangesa kutunga mu jinzo jâ ene,—kiene kia tange Jihova.

Jouele 3:20

Maji mu Juda-phe muà kala ni iá a tunga-mu ku mivu ni mivu, Jeluzaleme ue ua kà tungiua kutunda muiji kuiza muiji.

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Zakadiia 10:10

Mukonda eme nga-nda ku bhangesa kuila a kà vutuka mu ku tunda ku Ijito, nga kà a bhongolola muene mu ku tunda ku Asídia, hé nga kèza-nâ mʼoxi ia Ngiliiade ni mu Libanu, ki kua-nda kuà kala kididi ki soka phala ene.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.