Zakadiia 8:3 - O Mikanda Ikola

³ Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Zakadiia 8:3 ပူးပေါင်းရင်းမြစ်များ

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Izaía 1:21

Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 1:26

Hé ngi ku vutuila dingi afundixiʼé, kala kia kexe mʼukulu; ngi ku vutuila dingi jindongixi jé, kala mu xahulu; kiene kia kà ku luka exi: Diembu dia Uiukilu, mbanza ia fiiele.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 32:16

O kutetuluka kua kà kala mu kikangalakata, o ubatuilu ua iuka ua kà kala mu mavu a idima.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Izaía 8:18

Emeʼami-ú, Ngana, ni ana a ngi bhana Jihova; enhá, ijimbuete, madiuanu mua Izalaiele, ma tundu kua Jihova dia Ilômbo Ieta, ua tungu ku mulundu ua Ziione.

Jelemiia 14:9

Kima kiahi ki uidila kala muthu a mu tukumuisa, kala dizonda dia lembua ku kudila? Hanji-phe eie Jihova, o muʼaxaxi kʼetu muene mu uala, etu phe a tu ixanena mu dijina dié: kana ku tu ehelela.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Jelemiia 33:16

Mu izuuʼomo, Juda ua kà bhuluka, o Jeluzaleme u tunga u soma; o didi diene o dijina dia ká muʼixana: Jihova Muene Kulunga Kuetu.

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Jouele 3:21

Nga kà zelesa o manhinga ma ió oso ki nga a zelesele luua. Mbata Jihova ua kà tunga mu Ziione.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 12:6

Bhu kumbi dieneʼodio o ilamba mua Juda nga kà a kitula kala dikala dia túbhia koxi dia jihuinhi; a kà di bhanga kala kixinji kia túbhia mu ita ia iangu; ni ku dilu ni ku kiasu a kà jikinisa ifuẋi ioso mu jimbandu, anga mu Jeluzaleme mua ka tunga dingi athu lua mukuá bhu kididi kiê, mu Jeluzaleme muene.

Zakadiia 14:10

O ixi ioso ia kà kituka mukua ni kiphenza kia tundu mu Jeba katé ku Dimone ku mbandu ia Sulu ia Jeluzaleme; Jeluzaleme muene a kà mu zangeleka; ua kà tunga ua kà soma tunde bhu kididi kia dibhitu dia dianga katé bhu thungi; tundé bhu inzu ia matala ia Hananiiele katé ku makamenu-ma-vinhu ma sobha.

Zakadiia 8:16

Ima i mua tokala kubhanga ienʼiii: Mu ku zuela ditangedienu o kidi muthu ni mukuâ; fundisenu mu kidi ni mu kutululuka bhu mabhitu menu.

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

Dijingunuinu 21:10

Kithangana kienhókio o Nzumbi ia Nzambi hé u ngi kitulula, anju anga u ngʼambata Katé ku mulundu ua dikota ua di leka. Anga u ngʼidikiza o Mbanza Iangene, Jeluzaleme, iala mù tuluka ku diulu kua Nzambi,

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.