Zakadiia 8:23 - O Mikanda Ikola

²³ Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Zakadiia 8:23 ပူးပေါင်းရင်းမြစ်များ

Dimatekenu 31:41

Nga bhange kienhiki makuinhi aiadi a muvu osoʼâ mu bhata dié; nga ku bhikila mu kuinhi dia muvu ni iuana mu kulemba anʼé aiadi a ahatu, mivu isamanu mu kunganhala ibhaku; maji eie, o futu iami i tua bângana, ua i lungulula lukuinhi luosʼulu.

Dimatekenu 31:7

Maji muene-phe ua ngi nganala, futu iami i tua bângana, ua i lungulula mu lukuinhi luosʼulu; Nzambi-phe ka mu ehela ku ngi bhanga kiaiibha.

II Jisobha 2:6

Elija-phe, uixi: Xala bheneʼabha, mukonda Jihova ua ngi tumu ku Njolodá. Maji o muene, uixi: Kikola, nga na! Eie kola o muenhu! Kuma eme ki nga-nda ku ku xa. Kienʼiki anga kiiadi kiâ aia kumoxi.

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

II Malunda 15:9

Anga u bhongolola Juda ioso ni Bejamí ni ene kiá kumoxi ni jinzuangiza a tungu mua Ifalaíme ni mua Manasa ni mua Ximinhá; kuma mua Izalaiele a vulu a kexi mu ku tunda-mu eza kua muene, kia mono kuma Jihova, dia Nzambi iâ, uala ni muene.

Estere 8:17

Ku jisengu joso ue ni ku jimbonge joso, kuoso kua tula o kizuelu kia muenexi ni ngonge iê ia xikisa, jijudé ji kala mu sanguluka ni ngalasa iavulu, a bhanga fesa, exi lelu kizuua kiambote. Ku kala ue athu avulu mu jixi, a di bhanga kiá jijudé, mukoda jijudé a ji kuata kiá uoma uavulu.

Jobe 19:3

Lukuinhi kiá mua ngi bazela ni nguzu, ki muala ni jisonhi ja ku ngi kolela muxima?

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Izaía 3:6

O ki bhu kala muthu uia mu ku di kunda ni phangʼiê, ua tokala mʼonzo ia tatʼâ, uixi; Eʼeie uala ni kizuatu, kala u kilamba kietu, nda u mone ki u bhanga, mukonda dia kusenguluka kuku.

Izaía 4:1

Bhu kizuuʼokio, sambuadi dia muhatu dia kà jijila diiala dimoxi, exi: Etu o kúdia, tudia jinga mu konda ietu, kuzuata tu di-zuika jinga etu-ene; hé kima, eie tu xikine ngó, a tu ijiie kuamba tu akajiʼé; katula ngó dilebhu dietu.

Izaía 45:14

Jihova uambe kiki: Ni midimu ia Ijitu, ni mauenji ma Itiiópia, ni jisabeu, o mala alebha kitala, a kà bhita ku konda ié, a kale é-eie; a kʼendela kuema dié, a kèjiia bhu jingidinhá, a kà ku diundila; a kà ku dionda muene, ni kuila: Kidi kiene, Nzambi uala momué, kana-ku dingi nzambi iengi.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Mikeia 5:5

Muenhú anga uà kà kala muene paze ietu. Kioso o Asídia kia kʼèza mu ixi ietu mu ku i lua, nʼa bhite ni kudiota ku thandu dia jinzu jetu ja matala, etu tua kà mu ixanena sambuadi dia abidi, ni dinake dia mona-ngana muaxaxi ka athu, ni a tu kudila.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Dialuilu 14:22

mala enhá kia mono unene uami ni isuma i nga bhange mu Ijitu ni mu kikangalakata, maji a ngi bhumina lukuinhi luosʼulu, nguauâ kuívua dízui diami;

Luka 8:44

Anga uia kua Jezú u mu zukama ku dima diê, u mu kuata ku muhuhu ua kizuatu kiê, kindala kienhokio-phe, manhinga ma batuka o kubhubha.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

I Kolindo 14:25

O ikutu ia muẋima uê anga i tukuluka hé ki mu bhangesa kufidimika pholo bhoxi ni kubeza Nzambi, anga u zuela, uixi: Nzambi uala mudienu, ni kidi kiene.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.