Zakadiia 8:19 - O Mikanda Ikola

¹⁹ Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Zakadiia 8:19 ပူးပေါင်းရင်းမြစ်များ

II Jisobha 25:1

Anga ki bhita kuila mu kubhiẋila mu muvu ua kavua ua utuminu ua Zedekiia mu kizuua kia kakuinhi ku mbeji ia kakuinhi, kiene kieza Nabukodonozolo, sobha ia Babilónia, mu kúlua ni Jeluzaleme, muene ni kilômbo kiê kia masoladi, hé Jeluzaleme a mu tela ibenge, a mu kandeia jimbonge mu jimbandu joso.

II Jisobha 25:25

Anga ki bhita-phe kuila mu kubhiẋila bhu mbeji ia kasambuadi, Ijimaiele monʼa Netaniia, o monʼa Elixama ua tokala ku mbutu ia usobha, ueza ni kuinhi dia muthu kumoxi-nê, anga a kuama Jedaliia, o muene hé ufua kumoxi ni jijudé ni akua Kaldeia a kexi-nê bhu Mixpa.

Estere 8:17

Ku jisengu joso ue ni ku jimbonge joso, kuoso kua tula o kizuelu kia muenexi ni ngonge iê ia xikisa, jijudé ji kala mu sanguluka ni ngalasa iavulu, a bhanga fesa, exi lelu kizuua kiambote. Ku kala ue athu avulu mu jixi, a di bhanga kiá jijudé, mukoda jijudé a ji kuata kiá uoma uavulu.

Estere 9:22

kuma iene o izuua ia bhanduluka jijudé ku usuéia uambele ku a bhanga o jinguma jâ; iene o mbeje iâ iambele kukala ia lâmba anga i biluka ia ngalasa, iambele kukala ia uíndua anga i biluka ia kizuua kiambote; uixi a i bhange i kale jinge izuua ia kubhanga fesa ni kusanguluka, ni ku di tumikisa makúdia, ni ku di bhana maujitu ni kuuanena o jingadiama.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 34:15

Mesu ma Jihova ma lûngu kua iá aiuka, o mátui mê mala kuividila kioso kia di kola.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 51:11

Kienhiki kiene kia kà vutuka oso a a kula kuala Jihova, anga a kʼèza mu Ziione ni nzôngo ia kutana, ngalasa inangenena ià kala ku thandu dia mítue iâ; a kà bonga kutana ni kusanguluka, o dilamba ni mikemu ia kà a lenga.

Jelemiia 36:6

Bokona-phe eie, u tange mu dilanda di ua sonekena ku dikanu diami, o maka moso ma Jihova, mu mátui ma mundu, mʼonzo ia Jihova, mu kizuua kia ku jila kúdia; u a tangela ue mu mátui ma akua Juda oso a tunda mu jimbonge jâ, muene mu ua a tangela.

Jelemiia 39:2

Mu muvu ua kakuinhi ni umoxi, ua Zedekiia, bhu mbeji ia kauana, mu kizuua kia kávua ku mbeji, kiene kia bulu o lumbu lua mbonge.

Jelemiia 52:4

Mu ku bhiẋila-phe mu muvu ua kávua, ua utuminu uê, bhu mbeji ia kakuinhi, mu kizuua kia kakuinhi ku mbeji kiene kieza Nabukodonozolo, sobha ia Babilonha, mu kúlua ni Jeluzaleme, muene ni Kifuẋi kiê kioso kia masoladi anga a mu tela kibènge hé a mu kandeia jimbonge mu jimbandu joso.

Izekiiele 18:8

O kitadi kiê ka xikina ku ki bhana ni kuvualesa, mba u tambula kia vulu, uebhesa lukuaku luê mu kudia mangonha, hé o muthu ni muthu u a fundisa kiambote;

Izekiiele 24:1

O kizuelu kia Jihova anga kiza kokuami, mu muvu ua kávua, ku mbeji iakakuinhi, mu kizuua kia kakuinhi, kiexi:

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Zakadiia 8:16

Ima i mua tokala kubhanga ienʼiii: Mu ku zuela ditangedienu o kidi muthu ni mukuâ; fundisenu mu kidi ni mu kutululuka bhu mabhitu menu.

Zakadiia 8:18

Kizuelu kia Jihova dia Ilombo Ieta anga kiza kokuami, kuamba:

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.