Zakadiia 8:13 - O Mikanda Ikola

¹³ Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Zakadiia 8:13 ပူးပေါင်းရင်းမြစ်များ

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Jisálamu 44:16

Mukonda dia dízui dia ió u ta o jisèka, ni kunonga; mukonda dia nguma, ni mukua kutatela o phonzo.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 79:4

Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 25:18

Kua Jeluzaleme ni mabhata ma Juda, ni jisobha jâ ni ilamba iâ phala, ku a kitula jingundu, a di bhanga kisunji ki kuatesa uoma, ela kala muixi, a kituka kuxixima kala ki kia di monekena lelu;

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 33:24

Eie kuene mu mona kiene mu zuela mundu iú, exi: Miji i iadi ia solele Jihova, kiki ua iehelela? Anga a sebulula athuʼami kala nuka a kexile athu bhu pholo iâ.

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Jelemiia 44:12

Nga-nda ku katula o masubhu, a subhuka kua Juda, a te pholo iâ mu kubokona mʼoxi ia Ijitu phala kunhunganena momo, anga a buikila eneʼoso mʼoxi ia Ijitu; a kà di bhala ku xibhata, a kà fua ku nzala; a kà jikinina muene tundé ku mona-ndenge tulé ku muadiakime; ni ku xibhata ni ku nzala kuene kua kà fuila; a kà kituka mbolèle, a ka di bhanga kisunji, ni mázui ni lusebu.

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Kuditenda 4:15

Kia kexi hanji, aia ni ku di kola, exi: Abhukenu, tua xidi! Abhukenu, abhukenu! ki mu babate! O kia kala kiá mu takujuka ku matumbu, mu ifuẋi ia athu engi, exi: Mumu ka tunge-mu.

Izekiiele 34:26

O jene nga kà ji kitula dibesá kumoxi ni ididi ia mulundu uami ukôla; o mvula hé nga kà i tuma kusonoka bhu thembu iê; ia kà kala mvula ia kizediuise.

Izekiiele 37:11

Bhenhobho-phe u ngʼambela, uixi: Eʼ monʼa diiala, o ifuba iii, uene o muiji uoso ua Izalaiele; kuma ene a mu kuila, exi: O ifuba ietu ia kukuta, o kudielela kuetu kua di boto; o etu ia a tu batula kiá.

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Daniiele 9:11

Xi, Izalaiele ioso-lolo kitumu kié a ki lueza, abhuka mu njila, mbé o dízui dié a fule ku di tumaka. Mukonda dia kienhiki, ni mázui, ni mulôko uoso uòsoneke mu kitumu kia Mozé, ngunza ia Nzambi, ioso muene ia di lunduluila ku thandu dietu; mukonda Jihova tua mu te kituxi.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Sofoniia 3:16

Mu kizuuʼomo Jeluzaleme a kà muambela exi; Ku kale ni uoma, eie Ziione, maku mé ki ma zonde.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.

Ajeu 2:19

Phala mu mone mba mu kitula hanji mu kamba jimbutu, mba muvide, ni mufiku, ni mulomela, ni mudiva, iene ioso i kamba kubhana dingi ibundu iê; maji tunde lelu katé ku pholo nga kà mi zudiuisa muene kia nzungule.

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Zakadiia 1:19

Anga ngambela anju ua kexi mu kuzuela nʼeme, ngixi: O kiki, kima kiahi? Muene u ngambela, uixi: Jiji jene o jimbinga ja muanganesa Juda ni Izalaiele ni Jeluzaleme.

Zakadiia 14:11

A kà tunga muenhomo, ki kuà kala dingi muthu a mu ta mázui, mukonda Jeluzaleme ua kà tunga ua kà soma.

Zakadiia 8:15

kiene ue ki nga xinganeka lua mukuâ o kubhanga mbote kua Jeluzaleme ni ku dibhata dia Juda mu izuua muenhumu. Ki mu kale-phe ni uoma.

Zakadiia 8:9

Jihova dia Ilombo Ieta uambe, kiki: Kolesenu o maku enu, enu oso mu izuua mumu muevu makʼama mu kanu dia jipolofeta ja kexile-bhu, kizuua kia tele o disesa dia Inzu ia Jihova dia Ilombo Ieta, phala kutunga o Tembulu.

Zakadiia 9:13

Mbata Juda nga mu bhetekela kokuaʼmi kala mufula, eme ngezalesa Ifalaíme ni nguzu kala misongo ia mufula; eie Ziione anʼé nga kà a funhisa, anga a kà lua ni anʼé eie, u Ngelexa! Nga-nda kuà ku tula, eie u Ziione, kala xibhata ia kiiala kia nguzu.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Matendelelu 26:19

Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.