Zakadiia 8:12 - O Mikanda Ikola

¹² Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Zakadiia 8:12 ပူးပေါင်းရင်းမြစ်များ

Dimatekenu 26:12

Izake anga u dima mʼoxi mueneʼomo, o mbutu ia kuu anga i bhana mu luhama ku muvu umoxi; mukonda Jihova ua mu zediuixile.

Dimatekenu 27:28

Nzambi a ku bhane dimume dia diulu, Ni mavu a bhana idima mu ngongo, Ni masa ni vinhu ia nzungule;

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

Jisálamu 72:3

Ku milundu ku tunde kutululuka phala o mundu, ni ku mikáu ku kale o kutunga ni kusoma, mukonda dia ufundixilu ua kidi u tunda ku tumilundu tuofele.

Jisálamu 85:12

Euá, Jihova u tu bhana dingi o mbote ioso iafuama; o mavu metu ende ni kubhana dingi o idima iê.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 61:7

Mukonda dia sonhi i mua tambula mu luiadi ni malebhu, mua kà sangulukila ku dikânda dienu; kala kiki moxi ienu, o ima i mua kʼàvua ia kà di-budika mu luiadi, mua kà kala ni kusanguluka ku nangenena.

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Izekiiele 34:28

Ki ja-nda kukituka dingi mbole ia uiii ua akua matumbu, mba ji diua dingi ku iama ia ngongo; hé ja kà tunga ni kutululuka kua soko, ki bhu kala dingi muthu u ji sasumuisa.

Izekiiele 36:12

Anga nga kà bhangesa kuila ku thandu dienuʼenu mu athu, kuene kuendela o mundu uami ua Izalaiele; ene a-nda ku kúvua, hé u kituka u undundu uâ, eie ue ki mungu dingi u mu zubha o tuana.

Izekiiele 36:30

O ibundu ia miẋi ue nga kà i sokolola, ni idima i tunda mu mábhia ku mikáu, phala ki mungu dingi mu bonga malebhu a nzala muʼaxaxe ka akua jixi.

Izekiiele 36:9

Talesenu, kuma eme ngala ni enu; eme nga-nda kulungulukila kokuenu, enu anga a kà mi dima ni a mi kune.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Hozeia 14:5

Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Jouele 2:19

Jihova ua kà tangela mundu uê, ua kà kumbulula, uixi: Talesa-ze, ngi mi tumikisa tiliku, ni vinhu ia ubhe ni maji, ima iosuʼiii ia kà mi kuma; ki ngà mi bhana dingi ku lusebhu mu kaxi ka akua jixi.

Jouele 2:22

Enu ue mu iama ia mukáu ki mu kale ni uoma, kuma sabhelela mu ixi ia kisekele ia-nda kubuingita dingi, mbata miẋi ia kà bhana dingi ibundu iê, ni muvide ni mufiku ia kà bhakula muene kia nzungule.

Ijila 26:3

Se mukuata kuendela mu jingonge jami, ni mu aluke o ijiia iami, anga muenda ni ku i bhanga,

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Ajeu 1:10

Kiene kia bhekela kuila o diulu ki diehela o mbundu iê kusuma, ni mavu ue kukamba kubhana idima iê.

Ajeu 2:18

Lundenukiu ku miẋima ienu, nga mi diondo, tunde mu lelu katé ku pholo, tunde mu kizuua kia makuinhi aiadi ni uana, ku mbeji ia kʼavua, tunde mu kizuua ki mua mateka o Tembulu ia Ngana, tenu miẋima ienu mu kubanza ima ienhʼii.

Ajeu 2:19

Phala mu mone mba mu kitula hanji mu kamba jimbutu, mba muvide, ni mufiku, ni mulomela, ni mudiva, iene ioso i kamba kubhana dingi ibundu iê; maji tunde lelu katé ku pholo nga kà mi zudiuisa muene kia nzungule.

Zakadiia 8:6

Jihova dia Ilombo Ieta uambe, kiki: Se o kiki kia kà kala kisunji ku mesu ma iá a subhuka ku muiji uenhú, mu izuua ienhoio, kia kà kala ue kisunji ku mesu mami? Kiene kia tange Jihova dia Ilombo Ieta.

Malakiia 3:11

Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

I Kolindo 3:21

Uila kiki, kana muthu a te thathe ia ima i bhanga o athu. Kuma ima ioso ienu enuʼ enu,

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

Matendelelu 33:13

O kua Zuze, uixi: O mabesá ma Jihova, a kà kala mʼoxi ié, o mabesá ma diulu a ku bhane idima ia matunda, ni dimume ni menha a tunda koxi a mavu.

Matendelelu 33:28

Kala kiki Izalaiele ua kà tunga ua kà soma, ubheka uê, mu ixi ia dijiia dia Jakobo. Mʼoxi ia masa ni maluvu; o maúlu mê ma suka jinga mbundu.

Tiiaku 3:18

Mukonda o ibhangelu ia tokala o kuiuka, iene o ibundu ima ku mbutu ja kunu ni kutululuka kuala athu ka moneka mvunda.