Zakadiia 7:9 - O Mikanda Ikola

⁹ Jihova dia Ilombo Ieta uambe kiki: Fundisenu mu kidi, londekesenu kiadi ni henda muthu ni muthu kua phangʼiê;

Zakadiia 7:9 ပူးပေါင်းရင်းမြစ်များ

II Samuuele 9:7

Davidi hé u mu ambela, uixi: Ku kale ni uoma; kuma ngi ku idikiza henda muene, mukonda dia Jonata, tatʼenu; ngi ku bhana dingi mikáu ioso ia kukuʼenu Saúlo; eie-muène u kala jinga mu kúdia mbolo ku meza mami izuua ioso.

Jobe 31:20

se o miongo iê ki i ngi tanesa, mba muene ka di vungu ni kindemba kia jimbudi jami;

Jobe 6:14

Uoso ua tate, o dikamba dia fuama ku muʼidikiza henda; né kiá kala dingi ni uoma ua Muteni-a-Ioso.

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Jelemiia 7:5

He kima, se mu iukisa jinjila jenu ni ikalakalu ienu mu kidi kiene, se mu fundisa mu kidi muthu ni mukuá.

Izekiiele 18:8

O kitadi kiê ka xikina ku ki bhana ni kuvualesa, mba u tambula kia vulu, uebhesa lukuaku luê mu kudia mangonha, hé o muthu ni muthu u a fundisa kiambote;

Izekiiele 45:9

O Jihova Nzambi uambe kiki: Kuabhu kiá, tata, enu mu ilamba ia Izalaiele! O kubhanga nguzu ni kubhondeleka, ehenu-ku! muende ni kufundisa, ni kubatula mu kidi; ehenu o kífua kienu kia kuenda ni kubhunda-bhunda o mundu uami, Jihova Nzambi ua ki tange.

Hozeia 12:7

Ifalaime ua di banga ngenji ia kufuna mauenji, o pezo ia kufumba naiu athu iene ia mu kala bhu maku mê; ua uabhela kudia mangonha.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Amoji 5:24

Inda, o kufundisa kua kidi-phe, ku kunguluke kala menha; o ku batula milonga mu kidi, kuile kala kangiji ka mabhubha, ki kene dingi kukukuta.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Zakadiia 7:7

Ki muevu kizuelu kia Jihova kia miʼambelele ku ukunji ua jipolofeta jê ja mi diangelelè-ku, kioso Jeluzaleme kia kexi hanji ua tungu ua somo, ua tululuka, ni jimbanza jê joso ja mu kexile mu jimbandu; o ku Sulu ni mu kiphenza mua tungu athu?

Zakadiia 7:8

O kizuelu kia Jihova anga kiza kua Zakadiia, kuila:

Matesu 23:23

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Nzuá 7:24

Kana kubatula jinga maka kala ki mua fika, inda mu batula mu kidi.

Nzuá 7:51

Manhi Kitumu kietu ki êlesa muthu, sé kudianga ku mu ívua, ni kuijiia kioso kia bhange?

Matendelelu 22:1

Se u mona ngombe mba mbudi ia phangʼié ia jimbidila, ku i ehele kusomboka; kuata-iu u i tumikise kua phangʼié, sè kufula.