Zakadiia 7:7 - O Mikanda Ikola

⁷ Ki muevu kizuelu kia Jihova kia miʼambelele ku ukunji ua jipolofeta jê ja mi diangelelè-ku, kioso Jeluzaleme kia kexi hanji ua tungu ua somo, ua tululuka, ni jimbanza jê joso ja mu kexile mu jimbandu; o ku Sulu ni mu kiphenza mua tungu athu?

Zakadiia 7:7 ပူးပေါင်းရင်းမြစ်များ

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 13:19

Madiembu ma sulu a ma jika, u ma jikula ka moneka; Juda ioso a i ambata ku ubhika; kiene muene, Juda ioso a i ambata ku ubhika.

Jelemiia 17:26

Ku jimbonge-phe ja Juda, ni ku maxilu ma Jeluzaleme, ni kʼoxi ia Bejamí, ni ku manhana ni ku mitunda, ni ku Sulu, kua-nda ku tunda athu, a bheka mibhaku ia kuoha ni jisata, ni mibhaku ia makudia, ni uasu ua dizumba, ni kubheka ue, kiòmuene, o sata ia diximanu monzo ia Jihova.

Jelemiia 22:21

Muʼaxaxi ka jimbonge jê eme nga kexi ku ku dimuna, eie-phe, uixi: Nguami kuivua. Kienhiki kiene o kifua kié tundiʼé mu undenge ué, kuene kuẋikina ku bhana mátui ku dízui diami.

Jelemiia 32:44

Mikáu muene a-nda ku i sumba mu kitadi, ni ku di bhangela mikanda ia uenji, anga a i ta idimbu muene, hé a bhangesa jimbangi ku ki kalela ku pholo mu ixi ia Bejamí, ni mu ikanzu ia Jeluzaleme, ni mu jimbonge ja Juda, ni mu jimbonge ku milundu, ni mu jimbonge mu iphenza, ni mu jimbonge ku mbandu ia Sulu; mukonda eme hádia nga-nda kubhangesa kuila a vutuka dingi mu ixi mumu, a tunda ku uhutile uâ, kiene kia tange Jihova.

Jelemiia 33:13

Mu jimbonge jala ku milundu, ni mu jimbonge jala mu iphenza, ni mu jimbonge ja Sulu, ni mu ixi ia Bejamí, ni mu jimbandu ja Jeluzaleme ni mu jimbonge ja Juda, hanji mua-nda ku kala ibhaku i bhita bhu maku ma akua kualula, Jihova ua ki tange.

Jelemiia 44:4

Eme-phe, abhikʼami oso, o jipolofeta, nga mi tumikisa-nâ, ngi di meneka mu ku a tumikisa ku mi tangela, kuila: Tatʼenu! Kana kubhanga kiki kia bolo ki nga ibhila eme.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Jelemiia 7:5

He kima, se mu iukisa jinjila jenu ni ikalakalu ienu mu kidi kiene, se mu fundisa mu kidi muthu ni mukuá.

Zakadiia 7:12

Kiene muene, a bhangesa miẋima iâ ku kola kala utadi ua diiamande, phala a lémbue kuívua o kitumu, mba o maka a tumikisa Jihova dia Ilombo Ieta ku Nzumbi iê ku jipolofeta ja tu diangelelè-ku; bhenhobho bhene bhua tundu o njinda ia dikota ia Jihova dia Ilombo Ieta.

Zakadiia 7:6

O kioso ki mua dia jinga ni ki mua nuá jinga, ki enuʼenu mua di dila jinga, mua di nuina jinga?

Zakadiia 7:8

O kizuelu kia Jihova anga kiza kua Zakadiia, kuila:

Matendelelu 34:3

Ni ku Nengebe, ni mu ngànga ioso ia honga ia Njolodá, ni mukáu ua dikôlo dia Jedikó, ku sanzala ia Maie katé ku Zouale.