Zakadiia 7:5 - O Mikanda Ikola

⁵ Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Zakadiia 7:5 ပူးပေါင်းရင်းမြစ်များ

II Jisobha 25:23

O jikabhitangu ja ifuẋi, kumoxi ni ifuẋi iâ, kioso kia kʼivu kuila Jedaliia muene a mu te ku unguvulu uaʼxi kuala sobha ia Babilónia, eza kua Jedaliia bhu Mixpa mu ku di-mona nê; eneʼâ: Ijimaiele, monʼa Netaniia, ni Nzuanana, monʼa Kadiiá, ni Selaiia, monʼa Tanhumete, mukua Netofe, ni Jezaniia, monʼa Mahakatita, ni ene ni mundu uâ.

II Jisobha 25:25

Anga ki bhita-phe kuila mu kubhiẋila bhu mbeji ia kasambuadi, Ijimaiele monʼa Netaniia, o monʼa Elixama ua tokala ku mbutu ia usobha, ueza ni kuinhi dia muthu kumoxi-nê, anga a kuama Jedaliia, o muene hé ufua kumoxi ni jijudé ni akua Kaldeia a kexi-nê bhu Mixpa.

Izaía 43:23

Hombo ni mbudi ia jisata jê, ku ngi bhekela-iu; ua lémbua ku ngi xila ni maujitu mé; eme-phe ki nga ku jijidika ku ngi satela, ki nga ku bhuidisa ni kututa uasu ua mazumba.

Izaía 58:3

Exi-phe: Tua jidilaʼhi ngoho eie-muène ku ki suu? Tua di-taleselaʼhi hadi, manhi eie ku kʼijiia? Talesenu, mu kizuua kia kujila muala kusota ngó kioso kia mi uabhela enu, muexi-phe a tu fute-kiu, o kikalakaluʼiki.

Jelemiia 25:11

O ixi ioso iii ia kà di bhanga kikangalakata i kituka kima ki bheka uoma; anga o miji iii ia kà bhikila sobha ia Babilonha mu makuinhi sambuadi a mivu.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 52:12

O bhu mbeji ia katanu, mu kizuua kia kakuinhi ku mbeji, (uenhu-phe uene o muvu ua kuinhi niʼvua, ua utuminu ua Nabukodonozolo, sobha ia Babilonha) kiene kieza Nebuzaladane, mu Jeluzaleme, kabhitangu ka kilangidilu, ua kexile mu kunanga bhu pholo ia sobha ia Babilonha.

Daniiele 9:2

Mu muvu uene uadiangʼó ua utuminu uê, eme ngi Daniiele, mu kutongolola mu madivulu, nga sange kuma mivu ia tanga Jihova, kua polofeta Jelemiia, kuma iene mivu ia tokala kukumbidila o kibuika kia Jeluzaleme; ua i xinda makuinhi sambuadi.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Zakadiia 7:4

Bheneʼobho-phe kizuelu kia Jihova dia Ifuẋi kieza kokuami, kuila:

Zakadiia 7:6

O kioso ki mua dia jinga ni ki mua nuá jinga, ki enuʼenu mua di dila jinga, mua di nuina jinga?

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Matesu 6:2

Ki uila u bhanga o mbote-phe, kua iu ua bhindama, kana kutuamekesa koloneta ku pholo, uila ki bhanga akua mangonha, mu malombe ni mu jinzunga, ihi o kukala ni fuma ia athu. Ngi mi ambela kidi: ene a tambula kiá kisakidilu kiâ.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

II Kolindo 5:15

O muène ua fuidile ene oso bhu kididi, phala oso kiki ala ku muenhu, ki ki kale ene dingi a di vu, maji ua a vu muène ua a fuidile bhu kididi, iú ua fukunuka.

Kolose 3:23

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.