Zakadiia 7:2 - O Mikanda Ikola

² Kioso bhu Betele, o dibhata dia Izalaiele ki dia tumikisa Sazele ni Lejemeleke kumoxi ni athuʼâ, phala kuia mu kudionda kiadi kia Jihova.

Zakadiia 7:2 ပူးပေါင်းရင်းမြစ်များ

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Ejidala 2:28

Akua Betele ni Hai, hama jiiadi ni makuinhi a iadi ni kitatu kia athu.

Ejidala 6:10

Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Makatukilu 32:11

Mozé anga u dionda Nzambi iê, uixi: Phalahi Ngana, njinda ié i uama ku mundu ué u ua katula mu Ijitu ni kusuina kuavulu ni lukuaku lua undanda?

Izaía 60:7

Ilunga ioso ia jimbudi ja Kedale ia kéza kokué, ilumbe ia Nebaiote ia kà ku tokala eie, i ku bhikila; a kà i xikina ni vondadi kuma sata ku kalatódio kami; eme hé nga kà fumanesa inzo ia kizunda kiami.

Jelemiia 26:19

Mbebhu, Ezekiia, sobha ia Juda, ni akua Juda oso, a mu jibha? Manhi ene uoma ki ua a kuatele ua Jihova, anga a dionda jihenda ja Jihova? Jihova anga u diela ku phulu ioso ia tange ku a bhanga ene? Etu manhi tu di bhekela ku ibha kua vulu kiosuʼiki ku mienhu ietu?

Zakadiia 6:10

O kua iá a ambata ku ubhika tambula-ku ujitu; Ni kua Heledai ni kua Tobiia ni kua Jedaia, (mu kizuua kieneʼokio uize u bokone mʼonzo ia Joziia monʼa Sofoniia) ió a tundu ku Babilónha.

Zakadiia 8:21

anga akua mbonge ii a kàia mu mbonge ia mukuá exi: Tuienu lusolo mu kudionda o kiadi kia Jihova, ni kusota Jihova dia Ilombo Ieta; eme uami nga-nda kuia!

I Samuuele 13:12

ngixi-phe: Akua Fidíxia a-ndu ngi lundumukina bhabha bhu Jidingale, eme-phe Jihova kiluua ngi mu uabhessa o pholo, kiene kia ngi bhangesa o ku di bidikalela kubhakula o sata ia kuoha.